Հայ ժո­ղո­վուր­դի ազ­գա­յին-եկե­ղե­ցա­կան պատ­մու­թեան մէջ հին­գե­րորդ դա­րուն Աւա­րայ­րի հե­րո­սա­մար­տը կը յատ­կանշ­ուի հայ ժո­ղո­վուր­դի ազ­գա­յին գի­տակ­ցու­թեան, բա­րո­յա­կան կո­րո­վի, բարձր նկա­րագ­րի, հայ­րե­նա­սի­րու­թեան եւ հո­գե­ւոր եկե­ղե­ցա­կան ուխ­տա­պա­հու­թեան պան­ծա­լի իրա­գոր­ծում­նե­րէն: Հա­մա­ժո­ղովր­դա­կան գի­տակ­ցու­թեամբ Աւա­րայ­րը հա­ւա­քա­կան սր­բա­ցումն է հայ ժո­ղո­վուր­դի եւ հե­րո­սա­ցու­մը հայ եկե­ղեց­ւոյ:

Ար­դա­րեւ, հո­վա­նա­ւո­րու­թեամբ Թե­միս բա­րե­ջան Առաջ­նորդ Գերշ. Տ. Շա­հան Սրբ. Եպս. Սար­գիս­եա­նի, Ս. Ղե­ւոնդ­եանց քա­ջա­րի հո­գե­ւո­րա­կան­նե­րու եւ անոնց հե­րո­սա­կան կեան­քի ու նա­հա­տա­կու­թեան յի­շա­տա­կին Երեք­շաբ­թի, 5 Փետր­ուար 2013-ին, Սր­բոց Ղե­ւոնդ­եանց պատ­ուա­կան քա­հա­նա­յից տօ­նին առի­թով քա­ղա­քիս Նոր Գիւղ թա­ղա­մա­սի Ս. Գրի­գոր Լու­սա­ւո­րիչ եկե­ղեց­ւոյ մէջ կա­տար­ուե­ցաւ Առա­ւօտ­եան ժա­մեր­գու­թիւն (ժա­մը 7:30-ին) ի ներ­կա­յու­թեան Հա­լէ­պի քա­հա­նայ հայ­րե­րուն, որոնք հա­մախմբ­ուած էին վերս­տին նո­րո­գե­լու իրենց եկե­ղե­ցա­կան ուխ­տը` Աս­տու­ծոյ հան­դէպ եւ նուիր­ուա­ծու­թիւնը` Հայ Եկե­ղեց­ւոյ:

Եկե­ղեց­ւոյ զան­գի հն­չիւն­նե­րով եկե­ղե­ցա­կան թա­փօ­րով մուտք գոր­ծեց Առաջ­նորդ Սր­բա­զան Հայ­րը. հան­դի­սա­ւոր Ս. Պա­տա­րա­գը նուիր­ուած էր հայ հա­ւատ­քի եւ հայ­րե­նի­քի անձ­նու­րաց ու քա­ջա­րի հո­գե­ւո­րա­կան­նե­րուն ու անոնց պա­րագ­լու­խը հան­դի­սա­ցող Սր­բոց Ղե­ւոնդ­եանց նա­հա­տակ­նե­րու խն­կե­լի յի­շա­տա­կին. Դպ­րաց դա­սի եր­գե­ցիկ խում­բը ոգե­ւո­րու­թեամբ ու ներ­դաշ­նա­կու­թեամբ կ՛եր­գէ­ին Ս. Պա­տա­րա­գը: Ս. Պա­տա­րա­գի ըն­թաց­քին առինք­նող երե­ւոյթ մըն էր եկե­ղե­ցա­կան թա­փօ­րը եւ ուր քա­հա­նայ հայ­րեր քա­հա­նա­յա­կան սա­ղա­ւարտ­նե­րով, վառ մո­մե­րով, խորհր­դա­ւոր կեր­պով թա­փօր դար­ձան, յայտ­նե­լով իրենց հա­ւատ­քի առ­կայծ ճրա­գը, յըն­թացս Ս. եւ ան­մահ Պա­տա­րա­գին Առաջ­նորդ Սըր­բա­զան Հայ­րը հան­գա­մա­նօ­րէն ծան­րա­ցաւ Ս. Ղե­ւոնդ­եանց անն­կուն հա­ւատ­քին, վեր առ­նե­լով Պետ­րոս առաք­եա­լի ընդ­հան­րա­կան նա­մա­կի խօս­քե­րը. «փորձ­ուած ձեր հա­ւատ­քը շատ աւե­լի թան­կա­գին է քան կորս­տա­կան ոս­կին, որ կրա­կի մէջ կը փորձ­ուի, որուն հա­մար ալ երբ Յի­սուս Քրիս­տոս յայտնը­ւի պի­տի գո­վէ ձեզ ու փառ­քի ու պատիւի ար­ժա­նաց­նէ» (Ա. Պետ­րոս Ա.7):

Առաջ­նորդ Սր­բա­զան Հայ­րը իր պատ­գա­մին մէջ ըսաւ. «Այ­սօր, եկած ենք խո­նար­հե­լու Ս. Ղե­ւոնդ­եանց նա­հա­տակ­նե­րու յի­շա­տա­կին առ­ջեւ, անոնց պան­ծա­լի պատ­կե­րին եւ իրենց տուած ար­եան նա­հա­տա­կու­թեան հա­մար, մեր ուխ­տը վե­րա­նո­րո­գե­լու մեր առա­քե­լու­թեան ու­ղին կողմ­նո­րո­շե­լու եւ զօ­րա­նա­լու այս երկ­րի դժ­ուա­րին պայ­ման­նե­րուն մէջ». ապա բնա­բա­նէն թե­լադր­ուած ըսաւ. «Ս. Ղե­ւոնդ­եանք հա­ւա­տա­րիմ մնա­լով իրենց հա­ւատ­քին մէջ, անոնք բո­լոր ժա­մա­նակ­նե­րուն մեր հո­գե­ւո­րա­կան ծա­ռա­յու­թեան ներշն­չողն ու խրա­խու­սո­ղը կը հան­դի­սա­նան», ապա շա­րու­նա­կե­լով ըսաւ. «Այ­սօր, անոնք կը թե­լադ­րեն ան­փո­փոխ մնալ մեր հա­ւատ­քին մէջ, որով­հե­տեւ անոնց խոր­հուրդն ու պատ­գա­մը յա­րա­տեւ է. թող Ս. Ղե­ւոնդ­եանց ոգին այ­սօ՛ր նոր ոյժ եւ կո­րով տայ լու­սա­ւոր­չա­բոյր ոգի­ով, մեր Տէր Յի­սուս Քրիս­տո­սի հա­ւատ­քի լոյ­սը տա­րա­ծե­լու մեր ժո­ղո­վուր­դին մէջ, զա­նոնք առաջ­նոր­դե­լու «հո­գի­նե­րու փր­կու­թեան», Ս. Ղե­ւոնդ Երէ­ցի փա­ռա­ւոր օրի­նա­կով»: Սր­բա­զան Հայ­րը շնոր­հա­ւո­րեց եկե­ղե­ցա­կան դա­սը, նուի­րա­պե­տա­կան բո­լոր Աթոռ­նե­րուն մէջ ծա­ռա­յող­նե­րը, Վե­հա­փառ Կա­թո­ղի­կո­սէն մին­չեւ խո­նարհ եկե­ղե­ցա­կա­նը:

Ս. Պա­տա­րա­գի աւար­տին կա­տար­ուե­ցաւ հո­գե­հանգստ­եան յա­տուկ արա­րո­ղու­թիւն Թե­միս մէջ ծա­ռա­յու­թիւն մա­տու­ցած եւ վախ­ճան­եալ քա­հա­նայ հայ­րե­րուն յի­շա­տա­կին:
Ս. Ղե­ւոնդ­եանց մար­տի­րո­սա­կան ոգին եւ նուի­րու­մը թող միշտ ներշն­չէ մեր Ս. եկե­ղեց­ւոյ հո­գե­ւո­րա­կան­ներն ու հա­ւա­տաց­եալ­նե­րը, որ­պէս­զի կա­րո­ղա­նանք ապ­րիլ ու գոր­ծել անոնց ոգի­ով ու նուի­րու­մով:

Եզնիկ Քհնյ. Զղջանեան
«ԳԱՆՁԱՍԱՐ», 12 Փետրուար 2012