Հայաստան ապաստանած սուրիահայերուն օգնութեան տարաբնոյթ ծրագիրները կը շարունակուին: Հայաստանի կառավարութեան, Հայաստանի սփիւռքի նախարարութեան «Սուրիահայերու հարցերուն համակարգման կեդրոն» հասարակական կազմակերպութեան, Հայ բարեգործական ընդհանուր միութեան, Հայաստանեայց առաքելական սուրբ եկեղեցւոյ, հասարակական եւ բարեսիրական այլ կազմակերպութիւններու միջոցով ցուցաբերուող օգնութեան աւելցաւ այլ ծրագիր մը:
Գերմանահայ գործարար Սուրէն Օհանեանի նուիրատուութեամբ, Հայ բարեգործական ընդհանուր միութեան Հայաստանի ներկայացուցչութիւնը «Սուրիահայերու հարցերու համակարգման կեդրոն» հասարակական կազմակերպութեան մեծ քանակութեամբ ձմեռնային տաք հագուստեղէն կը տրամադրէ բոլոր տարիքային խումբերուն համար: Հագուստեղէնը սուրիահայերուն պիտի բաժնուի երկուշաբթի, չորեքշաբթի եւ ուրբաթ օրերը, ժամը 11:00-էն մինչեւ ժամը 16:00, Հայ բարեգործական ընդհանուր միութեան սուրիահայերու օգնութեան օժանդակ յանձնախումբի անդամներուն, Հայ բարեգործական ընդհանուր միութեան կամաւորներուն եւ «Սուրիահայերու հարցերուն համակարգման կեդրոն» հասարակական կազմակերպութեան աշխատակիցներուն միջոցով, Հայ բարեգործական ընդհանուր միութեան եւ Մայր Աթոռ Ս. Էջմիածինի Նոր Նորքի Հայորդեաց տան մէջ. հասցէ` Նոր Նորքի 7-րդ միքրոշրջան, Դաւիթ Բէկի 50:
Դիմատետրի (Facebook) PERIO NEWS էջը
27 փետրուար 2013