Լրա­տու գոր­ծա­կա­լու­թիւն­նե­րը ան­ցած օրե­րուն հա­ղոր­դե­ցին, թէ Հա­լէ­պի Սուրբ Գէ­որգ եկե­ղե­ցին այ­րե­ցին, եւ յա­րա­կից Մես­րոպ­եան վար­ժա­րանն ու ման­կա­պար­տէ­զը քար ու քանդ ըրին: Լու­րե­րը մեկ­նա­բա­նող­ներ ըսին, թէ Սուր­իոյ ընդ­դի­մա­դիր­ներն էին այս վայ­րագու­թիւն­նե­րը կա­տա­րող­նե­րը: Վս­տահ ենք, սուր­ի­ա­ցի արա­բը ընդ­դի­մա­դիր թէ իշ­խա­նա­ւոր, այս­պի­սի վայ­րե­նու­թիւն չի կա­տա­րեր: Հայ­կա­կան եկե­ղե­ցին հր­կի­զող­նե­րը, ընդ­դի­մու­թեան ան­ուան տակ գոր­ծող, վարձ­կան, օտար ահա­բե­կիչ­ներ են, որոնք կը գործեն ըստ թր­քա­կան պե­տա­կան ցուց­մունք­նե­րու: Քա­նի մը հա­տը յիշ­եալ վարձ­կան­նե­րէն բա­ցա­յայտ­ուե­ցան սուր­ի­ա­կան իշ­խա­նու­թեանց կող­մէ:

Հա­լէ­պի մա­րաշ­ցի­նե­րու Սուրբ Գէ­որգ եկե­ղեցւոյ պատ­մու­թիւնը կ՛եր­թայ ետ` մին­չեւ 1700-ի ժա­մա­նակ­նե­րը.Մա­րաշ-Շէ­քէր­տէ­րէ, զուտ հա­յաբ­նակ թա­ղա­մա­սը, որուն կից կը գոր­ծէր նա­եւ Մես­րոպ­եան ծաղ­կո­ցը` զորս հր­կի­զե­ցին թուրք վան­տալ­նե­րը: 1921-ին Ֆրան­սա­կան բա­նա­կի անարգ նա­հան­ջով եւ հայ­կա­կան Կի­լիկ­իոյ պա­րա­պու­մով, հայ գաղ­թա­կան­նե­րը 1923-ին, Հա­լէ­պի հիւ­ղա­ւան­նե­րու մէջ, իբր շա­րու­նա­կու­թիւն` հիմ­նե­ցին Սրբ. Խաչ փայ­տա­շէն եկե­ղե­ցին եւ դպ­րո­ցը: 1937-ին հիւ­ղա­ւան­նե­րու վե­րա­ցու­մով, Նոր Գիւ­ղի մէջ կա­ռու­ցե­ցին թի­թե­ղա­ծածկ Սրբ. Գէ­որ­գը: Ապա,1955-ին, հիմ­նո­վին վերս­տին կանգ­նե­ցին փա­ռա­հեղ Սրբ.Գէ­որգ եկե­ղե­ցին, որ այժմ թի­րախ հան­դի­սա­ցած է ահա­բե­կիչ­նե­րու:

Որ­պէս սուր­ի­ա­հայ քա­ղա­քա­ցի­ներ, խո­րին յուզ­մուն­քով կը յայտ­նենք մեր վր­դով­մուն­քը: Կը դա­տա­պար­տենք ան­նե­րե­լի արար­քը, ի կարգ կը հրա­ւի­րենք ահա­բե­կիչ­նե­րու հո­վա­նա­ւոր­ները, որոնք իբր թէ կը կրեն արեւմըտ­եան աշ­խար­հի քա­ղա­քա­կիրթ երկր­նե­րու պատ­ուա­նու­նը:

ՄԱՐԱՇԻ ՀԱՅՐԵՆԱԿՑԱԿԱՆ ՄԻՈՒԹԻՒՆ
ՀԱԼԷՊ 2012

«ԳԱՆՁԱՍԱՐ», 15 Նոյեմբեր 2012