kantsasar.com – Ս.ՎԱՐԴԱՆԱՆՑ ՏՕՆԱԿԱՏԱՐՈՒԹԻՒՆ

Հինգշաբ­թի, 27 Փետր­ուար 2014-ին, երե­կո­յան ժա­մը 5:00-ին, Քե­սա­պի Ս.Աստ­ուա­ծա­ծին եկե­ղեց­ւոյ մէջ տե­ղի ու­նե­ցաւ ՎԱՐ­ԴԱ­ՆԱՆՑ տօ­նա­կա­տա­րու­թիւն, երեք հա­մայնք­նե­րու հոգեւոր հայ­րե­րուն, պա­տաս­խա­նա­տու մար­մին­նե­րու եւ միու­թիւն­նե­րու ներ­կա­յա­ցու­ցիչ­նե­րուն, ինչ­պէս նա­եւ հա­ւա­տաց­եալ հոծ բազ­մու­թեան ներ­կա­յու­թեան:

Օր­ուան հան­դի­սա­վար` Անի Չէ­լէպ­եան ներ­կա­նե­րը հրա­ւի­րեց մէկ վայրկ­եան յոտն­կայս յարգելու յի­շա­տա­կը Վար­դա­նանց եւ մեր բո­լոր նա­հա­տակ­նե­րու հոգինե­րուն, որ­մէ ետք հրա­ւի­րեց Ս.Աստ­ուա­ծա­ծին եկե­ղեց­ւոյ դպ­րաց դա­սը, որ յա­ջոր­դա­բար երգեց Հա­յաս­տա­նի Հան­րա­պե­տու­թեան քայ­լերգը, «Նո­րահը­րաշ» եւ «Հի­մի էլ Լռենք» երգերը, խմ­բա­վա­րու­թեամբ` Արժ. Տ. Միւ­ռոն քհնյ. Աւե­տիս­եա­նին եւ նուագակ­ցու­թեամբ` Ռազ­միկ Մել­քոն­եա­նին:
Բաց­ման խօս­քը կա­տա­րեց Պատ­ուե­լի Սե­ւակ Թրաշ­եան, որ պար­զա­բա­նեց, թէ Վար­դա­նանց Պա­տե­րազ­մը միայն հա­յոց պատ­մու­թեան անց­եա­լի էջե­րուն մէջ գրուած պատ­մու­թիւն մը չէ, այլ` մեր գոյու­թեան պատ­ճառն է, որ­պէս հա՛յ քրիս­տոն­եայ ազգի զա­ւակ­ներ: Ան ըսաւ. «Հա­ւատք, ինք­նու­թիւն, լե­զու, մշա­կոյթ եւ հող ար­ժէք­ներ են, որոնց հա­մար ինչ­պէս անց­եա­լին նա­եւ այ­սօր պատ­րաս­տ ենք մեր կեան­քը նուի­րե­լու: Նո­րա­նոր մար­տահ­րա­ւէր­նե­րու դի­մաց փա­խուս­տը եր­բեք լու­ծում մը չէ: Վար­դա­նի տի­պա­րը, իբ­րեւ դպ­րոց` ազգային եւ հոգեւոր ինք­նու­թեան, պէտք է դրոշմ­ուի եւ սեր­ման­ուի մեր ժո­ղո­վուր­դին մա­նա­ւանդ նո­րա­հաս սե­րուն­դին մտ­քին, խիղ­ճին եւ ինք­նութ­եան մէջ»:
Օր­ուան բա­նա­խօս` Գե­րա­պա­տիւ Հայր Նա­րեկ վրդ. Լուիս­եան, իւ­րա­յա­տուկ կեր­պով ներ­կա­յա­ցուց Վար­դա­նանց քա­ջագոր­ծու­թեան եւ զո­հա­բե­րու­թեան խոր իմաս­տը:

«Վար­դա­նանք ին­կան, բայց չմե­ռան: Անոնց մար­մին­նե­րը ան­տա­րա­կոյս հո­ղին պի­տի յանձն­ուէ­ին օր մը, սա­կայն անոնք իմաց­եալ մա­հով ան­մա­հու­թեան փա­րոս­ներ եղան դա­րէ-դար»:

«Հայ­կէն մին­չեւ Վար­դա­նանք ու աս­դին հա­յոց պատ­մու­թիւնը գոյա­մարտ մը եղաւ, վկա­յու­թիւն մը մեր հայկ­եան ինք­նու­թեան ու ազգային ար­ժա­նա­պա­տուու­թեան պաշտ­պան­ման:Հա­յոց թագաւո­րու­թիւնը հայ­րե­նի­քին տուաւ մե­ծու­թիւն, քրիս­տո­նէ­ու­թիւնը` խիղ­ճի ու հոգիի ազա­տու­թիւն: Ահա թէ ին­չու անոնք հե­րո­սա­բար բարձ­րա­ցու­ցին ապս­տամ­բու­թեան դրօ­շը, որով­հե­տեւ որ­պէս հայր դա­ւա­նե­ցին Ս.Աւե­տա­րա­նը ու որ­պէս մայր` ընդ­հան­րա­կան եւ Առա­քե­լա­կան Ս.եկե­ղե­ցին»:

Վար­դա­պետ հայ­րը ներ­կա­յա­ցուց Վար­դա­նանց պա­տե­րազ­մին պատ­մա­կան հա­մա­ռօտ ակ­նար­կը, որ­մէ ետք շեշ­տեց, թէ հա­կա­ռակ պար­սիկ­նե­րուն եւ թուր­քե­րուն վայ­րագ յար­ձա­կում­նե­րուն, հայ ժո­ղո­վուր­դը միշտ կառ­չած մնա­ցած է իր հոգեւոր եւ ազգային ար­ժէք­նե­րուն ու աւան­դու­թիւն­նե­րուն եւ յաղ­թա­կան դուրս ելած, որով­հե­տեւ յաղ­թա­նա­կը քրիս­տո­նէ­ու­թիւնը պա­հե­լու մէջ է: Ան աւել­ցուց ըսե­լով, թէ այ­սօր հայ ժո­ղո­վուր­դը ու­նի հայ­րե­նի­քի վե­րա­կանգնման, Ար­ցա­խի հար­ցի լուծ­ման, Ջա­ւա­խքա­հա­յու­թեան, սփիւռ­քա­հա­յու­թեան եւ յատ­կա­պէս Մի­ջին Արե­ւել­քի եր­կիր­նե­րու մէջ հա­յու­թեան սպառ­նա­ցող հա­յա­պահ­պան­ման խն­դիր­ներ, որոնք կը կա­րօ­տին հա­մա­հայ­կա­կան ջան­քե­րու:

Գե­ղար­ուես­տա­կան յայ­տագրին մաս­նակ­ցե­ցան Հ.Կ.Մ.-ի եւ Հայ Աւետ.Կի­րակ­նօր­եայ դպ­րո­ցի աշա­կերտ­նե­րը, ներ­կա­յաց­նե­լով Վար­դա­նանց պա­տե­րազ­մին նուիր­ուած ոգեւո­րիչ երգեր եւ ար­տա­սա­նու­թիւն­ներ:

Տօ­նա­կա­տա­րու­թեան աւար­տին Արժ. Տ. Միւ­ռոն քհնյ. Աւե­տիս­եան յայտ­նեց, որ Վար­դա­նանց յի­շա­տա­կի տա­րե­կան մեր ոգեկո­չու­մը սո­վո­րա­կան աւան­դու­թիւն մը չէ այլ` խո­րի­մաստ եւ բո­վան­դա­կա­լից օր մըն է` իր յա­տուկ խոր­հուր­դով ու պատգամով, իր ներշն­չան­քով եւ յաղ­թա­նակ­նե­րով: «Այս օրը մե­զի հա­մար որ­պէս հա­ւա­տաց­եալ քրիս­տոն­եա­ներ մեծ ար­ժէք ու­նի, որով­հե­տեւ այս­տեղ մենք մեզ է որ ցոյց տուած ենք, մեր ինք­նու­թիւնն է որ փաս­տած ենք, մեր հա­ւա­տաց­եա­լի կեր­պարն է որ ցոյց տուած ենք, մեր հայ­կա­կան դրոշմն է որ կն­քած ենք: Այս օրը մենք մեր գործ­նա­կան հա­ւատ­քով անգամ մը եւս կը հա­ւա­տար­մագրուինք մեր հա­յու­թեան եւ քրիս­տո­նէ­ու­թեան ու մեր կապ­ուա­ծու­թիւնը կը յայտ­նենք մեր նա­խա­հայ­րե­րուն: Այն­քան ատեն, որ կը հա­ւաք­ուինք երեք յա­րան­ուա­նու­թիւն­ներ` մի­ա­բուռն եւ մի­ա­սիրտ կեր­պով, ան­յաղ­թե­լի կը դառ­նանք: Հոս է միու­թեան ար­ժէ­քը յաղ­թութ­եան տե­սա­կէ­տէն»:

Տօ­նա­կա­տա­րու­թիւնը վերջ գտաւ տէր հօր օրհ­նու­թեամբ եւ «Պահ­պա­նիչ»աղօթքով:

ՆԱՅԻՐԻ ՄԵԼՔՈՆԵԱՆ

09/04/2014