kantsasar.com – Ինչ­պէս նա­խորդ տա­րի­նե­րը, այս տա­րի եւս Բեր­իոյ Հա­յոց Թե­մի Առաջ­նորդ` Գե­րաշը­նորհ Տէր Շա­հան Ս. Եպս. Սար­գիս­եա­նը, եւ Ազ­գա­յին իշ­խա­նու­թեանց ներ­կա­յա­ցու­ցիչ­նե­րը հա­կա­ռակ երկ­րիս եւ յատ­կա­պէս Հա­լէպ քա­ղա­քիս տագ­նա­պա­լի ու ճգ­նա­ժա­մա­յին օրե­րուն, չխ­նա­յե­լով իրենց հայ­րա­կան հո­գա­տա­րու­թիւնը, նա­խան­ձախնդ­րու­թիւնն ու սէ­րը հայ դպ­րո­ցի նկատ­մամբ, Չո­րեք­շաբ­թի 9 Հոկ­տեմ­բեր 2013-ին, այ­ցե­լե­ցին Ազգ. Կիւլ­պէնկ­եան Վար­ժա­րա­նի շէն­քին մէջ տե­ղադր­ուած Ազգ. Հայ­կազ­եան եւ Ազգ. Կիւլ­պէնկ­եան վար­ժա­րան­նե­ր հանդիպելով զոյգ նախակրթարաններու աշակերտութեան, ինչ­պէս նա­եւ ման­կա­պար­տէ­զի բա­ժն­ի փոքրիկներուն հետ, ուր Սր­բա­զան Հայ­րը երե­խա­նե­րու աշ­խար­հին մի­ա­նա­լով խան­դա­վա­ռեց բո­լո­րը:

Գերշ. Սր­բա­զան Հայ­րը հան­դի­պում ու­նե­ցաւ վար­ժա­րա­նիս տնօ­րէ­նին եւ ու­սուց­չա­կան կազ­մին հետ: Ան բարձր գնա­հա­տեց անոնց նուի­րու­մը եւ մաս­նա­ւո­րե­լով զգաստ եւ շըր­ջա­հայ­եաց ըլ­լա­լու կա­րե­ւո­րու­թիւնը շեշ­տեց, թէ անոնք հիմ­նա­կան տու­եալ­ներ են առա­քի­նի ապ­րե­լա­կեր­պի հա­մար:
Գերշ. Սր­բա­զան Հայ­րը կեան­քի ներ­կայ իրա­վի­ճա­կին նկատ­մամբ յու­սալ­քու­մի հո­գե­բա­նու­թե­նէն դուրս գա­լը ան­մի­ջա­կան պա­հանջք նկա­տեց, որ­պէս­զի կա­րե­նանք հար­թել դըժ­ուա­րու­թիւն­նե­րը եւ շա­րու­նա­կել ճա­նա­պար­հը:

Ան շեշ­տեց, որ հար­կա­ւոր է ամուր պա­հել մեր հա­ւատ­քը, կամքն ու կո­րո­վը եւ առա­ւել եռան­դուն քայ­լե­րով եւ զո­հո­ղու­թիւն­նե­րով շա­րու­նա­կել հա­յե­ցի դաստ­ի­ա­րա­կութ­եան մեր եր­թը, հայ դպ­րո­ցը անա­ղարտ պա­հե­լով եւ կեր­տե­լով հոգի­ով ու հա­ւատ­քով ամուր, սր­տով մա­քուր եւ մըտ­քով առողջ սե­րունդ­ներ:
Ան եզ­րա­փա­կեց իր հան­դի­պու­մը ու­սու­ցիչ­նե­րու զո­հո­ղու­թիւն­նե­րը հե­րո­սու­թիւն հա­մա­րե­լով, որով­հե­տեւ հայ ու­սու­ցի­չին շնոր­հիւ հայ դպ­րո­ցը օտա­րաց­ման եւ ձուլ­ման վտանգ­նե­րուն դի­մաց մեր վա­հա­նը դար­ձած է:

Գերշ. Սր­բա­զան Հայ­րը հան­դի­պում ու­նե­ցաւ նա­եւ դպ­րո­ցիս աշա­կեր­տներուն հետ, որոնք ծա­փող­ջոյն­նե­րով դի­մա­ւո­րե­ցին զինք: Սր­բա­զան Հայ­րը թե­լադ­րեց աշա­կերտ­նե­րուն, որ լա­ւա­պէս պատ­րաս­տեն իրենց դա­սե­րը ու մա­սուն­քի պէս պահ­պա­նեն մեր սուրբ լե­զուն, որով­հե­տեւ այդ­պի­սով միայն պի­տի ար­ժա­նա­նան մեր մե­ծե­րուն յա­ւեր­ժա­կան օրհ­նան­քին:

Այ­ցե­լու­թիւնը իր աւար­տին հա­սաւ Սր­բա­զան Հօր «Պահ­պա­նի­չ»ով:

Թարգ­ման­չա­ց Տօ­նի Ոգենշում Ազգ. Հայ­կազ­եան Վար­ժա­րա­նէն ներս

Ուր­բաթ 11 Հոկ­տեմ­բեր 2013-ին, Ազգ. Հայ­կազ­եան Վար­ժա­րա­նի աշա­կեր­տու­թիւնն ու ու­սուց­չա­կան կազ­մը հա­մախմբ­ուե­ցան վար­ժա­րա­նիս շր­ջա­փա­կէն ներս, ոգե­կո­չե­լու Հայ Գիրե­րու գիւ­տին եւ Թարգ­մա­նիչ­նե­րուն տօ­նը:

Տօ­նա­կա­տա­րու­թեան բա­ցու­մը կա­տար­ուե­ցաւ նա­խակր­թա­րա­նիս վեց կար­գե­րու աշա­կեր­տու­թեան կող­մէն « Մեր Այ­բու­բե­նը» ոտա­նա­ւո­րի աս­մուն­քով:

Վար­ժա­րա­նիս տնօ­րէ­նու­հին` Օր. Սիլ­վա Ճա­պաղ­ջուր­եա­նը, օր­ուան խոր­հուր­դը ներ­կա­յա­ցուց շեշ­տե­լով հայ գի­րի կա­րե­ւո­րու­թիւնը հայ ազ­գի գո­յա­տեւ­ման հա­մար: Ան պատ­կե­րա­ւոր ոճով շեշ­տեց, որ հայ լեզ­ուի տա­ռե­րը դար­ձան հայ ժո­ղո­վուր­դի յա­ւեր­ժա­հունչ հոգիի մշ­տան­ուագ քնա­րը:

Ան աշա­կերտ­նե­րը յոր­դո­րեց թարգ­մա­նիչ­նե­րուն նման քրտ­նա­թոր ու ար­գա­սա­բեր աշ­խա­տանք ծա­ւա­լե­լու եւ հա­ւա­տա­րիմ մնա­լու հայ լեզ­ուին, գի­րին եւ հայ­կա­կան եկե­ղեց­ւոյ, որոնց շնոր­հիւ մենք այ­սօր կ՛ապ­րինք իբ­րեւ հայ եւ կը գրենք ու կը կար­դանք հա­յե­րէն:

Ապա իւ­րա­քան­չիւր կարգ իր դա­սա­րա­նին մէջ հա­յոց այ­բու­բե­նին եւ անոր ստեղ­ծի­չին ու առա­ջին ու­սու­ցի­չին նուիր­ուած գե­ղար­ուես­տա­կան յայ­տա­գիր ներ­կա­յա­ցուց:

Ազիկ Խաչատուրեան
Հայերէնաւանդ ուսուցչուհի`
Ազգ. Հայկազեան Վարժարանի