kantsasar.com – Ս.Օ.Խա­չի «Նա­յի­րի» մաս­նա­ճիւ­ղի վար­չու­թիւնը հա­ւա­տա­րիմ իր առա­քե­լու­թեան, «ժո­ղո­վուր­դին հետ ժո­ղո­վուր­դին հա­մար» նշա­նա­բա­նով` գնա­հա­տե­լի գա­ղա­փա­րը յղա­ցաւ նա­խա­ձեռ­նե­լու ան­նա­խա­դէպ մի­ջո­ցա­ռում մը` Քեր­մէս, որ տե­ղի ու­նե­ցաւ Ս.Աստ­ուա­ծա­ծին եկե­ղեց­ւոյ ներք­նաս­րա­հէն ներս, երեք օր­ուան տե­ւո­ղու­թեամբ` 17-18-19 Հոկ­տեմ­բեր 2013-ին:

Քեր­մէ­սի աշ­խա­տան­քին օժան­դա­կե­ցին Նա­յի­րի մաս­նա­ճիւ­ղի ըն­կե­րու­հի­ներն ու Սուր­իոյ երի­տա­սար­դաց միու­թեան երեք մաս­նա­ճիւ­ղե­րէն խումբ մը երի­տա­սարդ-երի­տա­սար­դու­հի­ներ:

Սրա­հը լեց­ուած էր ըն­կե­րու­հի­նե­րով, հա­մա­կիր­նե­րով, մա­նուկ­նե­րով եւ երի­տա­սարդ­նե­րու խում­բե­րով, որոնք եկած էին ու­րա­խա­նա­լու եւ դուրս քա­լու իրենց առօր­եա­յէն: Ս.Օ.Խա­չի պատ­նէ­շի վրայ ըլ­լա­լու ապա­ցոյցն էր հոծ բազ­մու­թեան ներ­կա­յու­թիւնը:

Սոյն ձեռ­նար­կը եկաւ ապա­ցու­ցե­լու, որ երկ­րի անա­պա­հով պայ­ման­ներն ու կեն­ցա­ղա­յին դժ­ուա­րու­թիւն­նե­րը յու­սա­հա­տու­թեան չեն մատ­նած մեր նուիր­եալ ան­դա­մու­հի­նե­րը:

Այդ օր սրա­հը կը փայ­լէր գոյնզ­գոյն զար­դե­րով եւ փու­չիկ­նե­րով, իսկ սրա­հին պա­տե­րը զար­դար­ուած էին գե­ղե­ցիկ ու տպա­ւո­րիչ գծագ­րու­թիւն­նե­րով:

Ձեռ­նար­կը եզա­կի էր իր կազ­մա­կեր­պու­թեամբ: Սրա­հին մէջ, սե­ղան­նե­րու վրայ կա­յին տար­բեր տա­րի­քի հա­մար նա­խա­տես­ուած խա­ղեր ու մր­ցանք­ներ` բաժն­ուած քսան տա­ղա­ւար­նե­րու:

Բծախնդ­րու­թեամբ պատ­րաստ­ուած այս ձեռ­նար­կը ոգե­ւո­րու­թիւն ստեղ­ծեց երե­խա­նե­րուն մէջ եւ յա­ջո­ղե­ցաւ անոնց դէմ­քե­րուն գծագը­րել ժպիտ եւ աչ­քե­րուն հրճ­ուան­քի փայլք: Մեծ հա­ճոյ­քով եւ ամե­նայն հե­տաքրք­րու­թեամբ մաս­նակ­ցե­ցան զա­նա­զան խա­ղե­րու եւ յաղ­թա­նա­կի նուէր­նե­րով հա­ճե­լի ժա­մանց ու­նե­ցան: Գե­ղե­ցիկ գոյ­նե­րով ներ­կե­ցին քա­ճէ ար­ձա­նիկ­ներ եւ իրենց դէմ­քե­րուն վրայ գծել տուին ման­կա­կան նկար­ներ:

Ներ­կա­նե­րը հի­աց­մուն­քով կը դի­տէ­ին սե­ղան­նե­րու վրայ զար­դար­ուած շնոր­հա­լի ըն­կե­րու­հի­նե­րու ձե­ռամբ, նր­բա­ճա­շակ ոճով պատ­րաստ­ուած ձե­ռա­յին աշ­խա­տանք­նե­րը` վզ­նոց­ներ, ապա­րան­ջան­ներ, մա­տա­նի­ներ, պան­տեր, որոնց ընդ­մէ­ջէն ի յայտ կու գար հայ տի­կին­նե­րուն եւ օրի­որդ­նե­րուն թա­քուն ձիր­քե­րը:
Ահա­ւա­սիկ հա­յը, շնոր­հա­շատ հա­յը, հե­տե­ւա­բար Պա­րոյր Սե­ւակ ի զուր չէ ըսած.-

«… Եթէ տի­րել ենք, ձիր­քե­րով միայն…»

Անոնց կող­քին ու­շագ­րաւ էր Լուս­նակ հրա­տա­րակ­չա­տան տա­ղա­ւա­րը, որ կ՛ընդգր­կէր պատ­կե­րա­զարդ զա­նա­զան ու­սու­ցո­ղա­կան խա­ղեր, բա­ռամ­թեր­քի խաղ եւ ծաղ­կա­խաղ:

Ճոխ մթ­նո­լորտ մը կը տի­րէր սրա­հէն ներս,ներ­կա­նե­րը բարձր տրա­մադ­րու­թեամբ կ՛ունկնդ­րէ­ին ռատի­ո­ժա­մի եր­գե­րը: Երաժշ­տու­թիւնն ու եր­գե­րը շու­տով ու­նե­ցան իրենց դրա­կան ազ­դե­ցու­թիւնը: Մթ­նո­լոր­տի զուար­ճու­թիւնը ակն­յայտ էր կեն­սու­նակ երե­խա­նե­րուն եւ պա­տա­նի­նե­րուն վրայ: Սրա­հը ողո­ղող բազ­մու­թիւնը կը վա­յե­լէր այս յա­ջող ձեռ­նարկն ու կը ճա­շա­կէր հա­մա­դամ ու­տեստ­ներն ու ըմ­պե­լի­նե­րը:

Քեր­մէ­սը վերջ գտաւ շուրջ­պա­րով ներ­կա­նե­րը բաժն­ուե­ցան սրա­հէն ամ­բող­ջա­կան յու­սադ­րու­թեամբ լեց­ուած, որ Սուր­իոյ մղ­ձա­ւան­ջը եր­կար պի­տի չտե­ւէ, փո­թոր­կոտ ու ան­տա­նե­լի դար­ձած ճն­շիչ տագ­նա­պը շու­տով պի­տի անց­նի գէշ երա­զի նման:

Վարձ­քը կա­տար Ս.Օ.Խա­չի նուիր­եալ խա­չու­հի­նե­րուն,նուի­րա­տու­նե­րուն եւ բո­լոր անոնց որոնք իրենց ներդ­րու­մը բե­րին սոյն ձեռ­նար­կի յա­ջո­ղու­թեան:
Ան­խա­բան երթ Ս.Օ.Խա­չի սր­բա­զան առա­քե­լու­թեան:

ՅՈՅՍԻ ԵՒ ԼՈՅՍԻ ԵՐԵԽԱՆԵՐ

Ման­կու­թիւնը նկա­րա­գիր կեր­տող ու ապա­գայ կեան­քին ըն­թաց­քը ճշ­դող ճա­կա­տագ­րա­կան հանգր­ուան մըն է: Մա­նուկ­ներն են մեր ներ­կան ու ապա­գան:
Արդ Ս.Օ.Խա­չի «Նա­յի­րի» մաս­նա­ճիւ­ղի վար­չու­թիւնը ազ­նիւ գա­ղա­փա­րը յղա­ցած էր կազ­մա­կեր­պե­լու յա­տուկ ձեռ­նարկ մը` «Յոյ­սի եւ լոյ­սի երե­խա­ներ» խո­րագ­րով 4 Սեպտ. 2013-ի յետ­մի­ջօ­րէ­ին Ս.Աստ­ուա­ծա­ծին եկե­ղեց­ւոյ ներք­նաս­րա­հէն ներս:

Սոյն ձեռ­նար­կին իրենց մաս­նակ­ցու­թիւնը բե­րին 5-13 տա­րե­կան երե­խա­ներ եւ պա­տա­նի­ներ:

Առա­ջին հեր­թին հան­դէս եկան հիւր ծաղ­րա­ծու­ներ, որոնք իրենց կո­կիկ յայ­տագ­րով փայլք տուին ձեռ­նար­կին ու ծի­ծա­ղի ալիք­ներ յա­ռա­ջա­ցու­ցին:
Ման­կա­պա­տա­նե­կան ներ­կա­յա­ցում մըն է որ կը թե­լադ­րէ ըլ­լալ բա­րի, զի­րար սի­րել, օգ­նել, չնա­խան­ձիլ, լա­ւա­տես ըլ­լալ:

Շատ հա­ճե­լի էր փոք­րիկ­նե­րուն խան­դա­վա­ռու­թիւնը, անոնք մաս­նակ­ցե­ցան խա­ղե­րուն եւ ամե­նայն հե­տաքրք­րու­թեամբ պատ­րաս­տե­ցին ձե­ռա­յին աշ­խա­տանք: Իրենց երե­ւա­կա­յու­թիւնն ու ճա­շա­կը զար­գաց­նե­լէ ետք փոք­րիկ­նե­րը աշ­խու­ժա­ցան եւ զուար­ճա­ցան, իւ­րա­քան­չիւ­րը ու­նե­ցաւ իր ձե­ռա­յին աշ­խա­տան­քը:
Այդ օր սրա­հէն բարձ­րա­ցող երգն ու երաժըշ­տու­թիւնը անոնց ան­մե­ղու­նակ շրթ­նե­րէն հն­չե­ցին, որ­պէս մաղ­թանք լոյ­սի եւ յոյ­սի, որ­պէս աղօթք խա­ղա­ղու­թեան:
Իսկ պա­տա­նի­նե­րը խո­րա­նարդ­նե­րու վրայ ան­մա­հա­ցու­ցին իրենց անուն­նե­րը եւ կտոր­նե­րը մի­աց­նե­լով պատ­կեր մը յա­ռա­ջա­ցու­ցին:

Բո­լո­րը մի­ա­բե­րան եր­գե­ցին ազ­գա­յին ու ման­կա­կան եր­գեր, որ­մէ ետք պա­տա­նի­նե­րուն կող­մէ ներ­կա­յաց­ուած շուրջ­պա­րով փակ­ուած յայ­տա­րար­ուե­ցաւ ձեռ­նար­կը:
Աւար­տին փու­չիկ­նե­րը իրենց ձեռ­քին եւ ժպի­տը իրենց դէմ­քին բարձր տրա­մադ­րութ­եամբ հե­ռա­ցան սրա­հէն:

Վս­տահ այդ օրը իւ­րա­քան­չիւր մա­նու­կի հա­մար ու­նէր իրեն յա­տուկ նշա­նա­կու­թիւն, որ անջն­ջե­լի պի­տի մնայ անոնց մատ­ղաշ մտայ­նու­թեան մէջ:
Յա­րա­տեւ վե­րելք, բո­լո­րին վարձ­քը կա­տար:

ԱՆԻ ՄԱՍ­ՆԱ­ՃԻՒ­Ղ
«ՊԱՏԵՐԱԶՄԻ ԱԶԴԵՑՈՒԹԻՒՆԸ ՄԱՆՈՒԿՆԵՐՈՒՆ ՎՐԱՅ»

Ս.Օ.Խ.-ի Անի մաս­նա­ճիւ­ղի վար­չու­թիւնը 11 Սեպ­տեմ­բեր 2013-ին հրա­ւի­րած էր ընկհ. Մա­րի­նէ Տէր Աբ­րա­համ­եա­նը դա­սա­խօ­սե­լու «Պա­տե­րազ­մին ազ­դե­ցու­թիւնը մա­նուկ­նե­րուն վրայ» նիւ­թին շուրջ:

Ընկհ. Մա­րի­նէ Տէր Աբ­րա­համ­եան, շր­ջա­նա­ւարտ Ազ­գա­յին Քա­րէն Եփ­փէ Ճե­մա­րա­նէն, աւար­տած է Հա­լէ­պի Պե­տա­կան Հա­մալ­սա­րա­նի Հո­գե­բա­նա­կան Խորհր­դա­տուու­թեան ճիւ­ղը:

Ձեռ­նար­կը սկ­սաւ մաս­նա­ճիւ­ղի ատե­նա­պե­տու­հի ընկհ. Զե­փիւռ Խա­չա­տուր­եա­նի բաց­ման խօս­քով, ապա գե­ղար­ուես­տա­կան յայ­տագ­րով ելոյթ ու­նե­ցան.-
Օր. Լի­լիթ Տէր Աբ­րա­համ­եան` մե­ներգ,

Օր. Լի­զա Սա­հակ­եան` ֆլիւթ,

Պր. Յա­րութ Մկր­տիչ­եան` դաշ­նա­մուր, որոնք ներ­կա­յա­ցու­ցին «Հա­յաս­տան Աշ­խարհ» եր­գը:

Ընկհ. Սե­ւան Պար­մաք­սըզ­եան ներ­կա­յա­ցուց օր­ուան դա­սա­խօ­սու­հի` ընկհ. Մա­րի­նէն, որ հա­մա­պար­փակ ձե­ւով անդ­րա­դար­ձաւ սուր­ի­ա­կան ասպն­ջա­կան հայ­րե­նի­քի ծանր պայ­ման­նե­րու ազ­դե­ցու­թեան երե­խա­նե­րուն եւ ին­չու չէ եր­բեմն պա­տա­նի­նե­րուն վրայ: Ան անդ­րա­դար­ձաւ նա­եւ զա­նոնք յաղ­թա­հա­րե­լու մի­ջոց­նե­րուն, ներ­կա­յաց­նե­լով օգ­տա­կար գա­ղա­փար­ներ, որ­պէսզի այս դժ­ուար ժա­մա­նա­կաշր­ջա­նէն դուրս գան նուա­զա­գոյն վնաս­նե­րով:

Առի­թը տր­ուե­ցաւ ներ­կա­նե­րուն զի­րենք մտա­հո­գող եւ հե­տաքրք­րող բո­լոր հար­ցում­նե­րը ներ­կա­յաց­նե­լու, որոնց պա­տաս­խա­նեց դա­սա­խօ­սու­հին:

Դա­սա­խօ­սու­թեան աւար­տին վար­չու­թիւնը գրա­հա­տեց ընկհ. Մա­րի­նէն յու­շան­ուէ­րով մը:

Բո­լոր ըն­կե­րու­հի­նե­րը գո­հու­նա­կու­թեամբ բաժն­ուե­ցան, մաղ­թե­լով որ Սուր­ի­ան վե­րա­դառ­նայ իր նախ­կին օրե­րուն, փայ­լուն եւ խա­ղաղ ապա­գա­յով: