Perio Newsfb – Սր­բոց Թարգ­ման­չաց տօ­նը հայ ժո­ղո­վուր­դի հոգիի պան­ծաց­ման ցն­ծա­տօնն է: Թար­գա­մա­նիչ վար­դա­պետ­նե­րու կա­տա­րած գոր­ծը, թա­փած քր­տին­քը չպէտք է փնտ­ռել միայն պարզ թարգ­ման­չա­կան աշ­խա­տան­քի մէջ, այլ այն հո­գե­ւոր եւ ազ­գա­յին գի­տակ­ցու­թեան ճի­գին մէջ, որով անոնք պայ­ծա­ռա­ցու­ցին հայ եկե­ղե­ցին, օժ­տե­ցին զայն իր սե­փա­կան լե­զուով, իր զմայ­լե­լի շա­րա­կան­նե­րով եւ հա­յու հո­գին Աստ­ուա­ծա­շուն­չով վե­րա­կեն­դա­նա­ցու­ցին:

Ար­դա­րեւ, հո­վա­նա­ւո­րու­թեամբ Թե­միս Բա­րե­ջան Առաջ­նորդ Գե­րաշ­նորհ Տ. Շա­հան Սրբ. Եպս. Սար­գիս­եա­նի եւ կազ­մա­կեր­պութ­եամբ Ս. Գրի­գոր Լու­սա­ւո­րիչ Եկե­ղեց­ւոյ հո­գե­ւո­րա­կա­նաց դա­սուն ու թա­ղա­կա­նու­թեան, ար­ժա­նա­վա­յել տօ­նա­կա­տա­րութ­եամբ նըշ­ուե­ցաւ Սր­բոց Թարգ­ման­չաց Տօ­նը Ս. Գրի­գոր Լու­սա­ւոր­իչ Եկե­ղեց­ւոյ մէջ սկս­եալ 7 Հոկ­տեմ­բե­րէն մին­չեւ 11 Հս­կու­մի արա­րո­ղու­թիւն­նե­րով եւ քա­րո­զա­խօ­սու­թեամբ, Շա­բաթ առա­ւօտ հան­դի­սա­ւոր արա­րո­ղու­թեամբ եւ դա­սա­խօ­սու­թեամբ, իսկ 12-ին Կի­րա­կի հան­դի­սա­ւոր Եպիս­կո­պո­սա­կան Ս. Պա­տա­րա­գի խոր­հուր­դի մա­տա­կա­րա­րու­մով:
Հս­կու­մի Խորհր­դա­ւոր արա­րո­ղու­թիւն­նե­րը, որոնք Ս. Գրի­գոր Նա­րե­կացիի «Մատ­եան Ող­բեր­գու­թեան» ներ­կա­յա­ցու­մով յատ­կանըշ­ուե­ցան, հեր­թա­կան ամէն երե­կոյ ժա­մը 4-ին սկ­սե­լով, ամ­բողջ շաբթ­ուան տե­ւո­ղու­թեամբ խոր հմայք մը թո­ղուց հա­ւա­տաց­եալ­նե­րու սր­տին ու հոգի­ին մէջ, ուր արա­րո­ղա­կար­գին զու­գըն­թաց Դպ­րաց Դա­սի փոք­րիկ եւ պա­տա­նի դպիր­ներ մա­տու­ցին ժո­ղովր­դա­կան ան­ուա­նու­մով «Նա­րեկ» աղօ­թա­մատ­եա­նէն հո­գե­ւոր պա­տա­ռիկ­ներ, քաղց­րահն­չիւն մե­ղե­դի­ներ: Խորհր­դա­ծա­կան Առաջ­նորդ Սր­բա­զան Հօր կող­մէ եւ քա­հա­նայ հայ­րե­րու կող­մէ հեր­թա­կան քա­րո­զա­խօ­սու­թեամբ ներ­կա­յա­ցու­ցին Նա­րե­կի գո­յա­ռու­մին եւ բո­վան­դա­կու­թեան զար­գաց­ման ըն­թաց­քը, սուր­բին հո­գե­ւոր աշ­խար­հը, մե­ղա­ւոր մար­դուն մեղ­քե­րէն մաքր­ուե­լու, ապաշ­խա­րհու­թեան մի­ջո­ցով փր­կու­թեան հաս­նե­լու ձգ­տու­մը եւ ընդ­հան­րա­պէս սուր­բին գրու­թեանց վեր­լու­ծու­մը:

Շա­բաթ 12 Հոկ­տեմ­բեր 2013-ի առա­ւօտ­եան ժա­մը 9-ին հո­վա­նա­ւո­րու­թեամբ Առաջ­նորդ Սր­բա­զան Հօր եւ մաս­նակ­ցու­թեամբ քա­ղա­քիս բո­լոր հո­գե­ւո­րա­կա­նաց դա­սուն, Ազգ. Վար­չու­թեան, Ազգ. Քա­րէն Եփ­փէ Ճե­մա­րա­նի Տնօ­րէ­նու­թեան, Խնա­մա­կա­լութ­եան, ու­սուց­չա­կան կազ­մին եւ 10-11-րդ կար­գի աշա­կեր­տու­թեան, տե­ղի ու­նե­ցաւ առա­ւօտ­եան հան­դի­սա­ւոր ժա­մեր­գու­թիւնը ի յի­շա­տակ Սր­բոց Թարգ­մա­նիչ վար­դա­պետ­նե­րու ան­մահ յի­շա­տա­կին: Այս առի­թով բա­նա­խօ­սեց` տի­ար Խա­ժակ Տիլ­պէր­եան, նիւթ ու­նե­նա­լով «Թարգ­ման­չաց վար­դա­պե­տաց գործ»ը, հա­մա­պար­փակ ձե­ւով ներ­կա­յա­ցուց թարգ­մա­նիչ վար­դա­պետ­նե­րու ծա­ւա­լած աշ­խա­տան­քը: Աւար­տին, Սր­բա­զան Հայ­րը գնա­հա­տեց աշա­կեր­տու­թեան ներ­կա­յու­թիւնը Սր­բոց Թարգ­մա­նիչ վար­դա­պետ­նե­րու յի­շա­տա­կի արա­րո­ղու­թեան եւ թե­լադ­րեց, Թարգ­ման­չաց ոգին մնայ իբ­րեւ նշա­նա­բան իւ­րա­քան­չիւր ու­սա­նո­ղի կեան­քին մէջ: Սր­բա­զան Հօր, քա­հա­նայ հայ­րե­րու եւ ու­սա­նո­ղութ­եան ու­ղեկ­ցութ­եամբ Ազգ. Քա­րէն Եփ­փէ Ճե­մա­րա­նի շր­ջա­փա­կին մէջ կա­տար­ուե­ցաւ հո­գե­հանգստ­եան արա­րո­ղու­թիւն ի յի­շա­տակ հիմ­նա­դիր­նե­րու եւ կր­թա­կան մշակ­նե­րու:

Կի­րա­կի, 13 Հոկ­տեմ­բեր 2013-ին առա­ւօտ­եան հան­դի­սա­ւոր Ս. Պա­տա­րագ մա­տուցեց Թե­միս Բա­րե­ջան Առաջ­նորդ Սր­բա­զա­նը, Սր­բոց Թարգ­ման­չաց Վար­դա­պե­տաց տօ­նին առի­թով, Ազգ. Վար­չու­թեան եւ խուռ­նե­րամ հա­ւա­տաց­եալ­նե­րու մաս­նակ­ցութ­եամբ, ուր Սուրբ Պա­տա­րա­գին կը սպա­սար­կէ­ին Տ. Ար­շակ Քհնյ. Ալա­ճաճ­եան եւ Տ. Եզ­նիկ Քհնյ. Զղ­ջան­եան: Օր­ուան ազ­գա­յին եկե­ղե­ցա­կան մեծ տօ­նին առ­թիւ Առաջ­նորդ Սըր­բա­զան Հայ­րը տուաւ իր պատ­գա­մը, նախ փառք եւ գո­հու­թիւն յայտ­նե­լով Աս­տու­ծոյ, «Նա­րեկ» աղօ­թա­մատ­եա­նի բա­ռե­րով աղօթք վե­րա­ռա­քեց առ Աստ­ուած, որ Թարգ­ման­չաց տօ­նի Շաբթ­ուան տե­ւո­ղու­թեան, Ս. Գրի­գոր Լու­սա­ւո­րիչ Եկե­ղեց­ւոյ հա­ւա­տաց­եալ­նե­րու Ներ­կա­յու­թեամբ մի­աս­նա­բար աղօ­թե­ցինք եւ հս­կու­մի երե­կո­նե­րը դար­ձան օրհ­նու­թիւն, նա­րե­կացի­ով օծ­ուած. «Այ­սօր մեր սր­տերն ու հո­գի­նե­րը բաց­ուած են մեր Տի­րոջ խօս­քին առաջ` «Լոյ­սը խա­ւա­րին մէջ կը լու­սա­ւո­րէ» (Յհ 1.5): Առաջ­նորդ Սր­բա­զան Հայ­րը աւե­տա­րա­նի հատ­ուա­ծը մեկ­նե­լով ցոյց տուաւ, թէ աստ­ուա­ծա­յին լոյ­սը կը փա­րա­տէ մեղ­քի թանձր խա­ւա­րը, սա­կայն նիւ­թա­պաշտ եւ աշ­խար­հա­սէր մար­դիկ աչ­քեր­նին կը փա­կեն Անոր դի­մաց: Ան ըսաւ: «Սըր­բոց Թարգ­ման­չաց շար­ժու­մը եզա­կի երե­ւոյթ է ժո­ղո­վուրդ­նե­րու պա­մու­թեան մէջ. հայ ժո­ղո­վուր­դը իր հո­գին բա­ցաւ Աւե­տա­րա­նի Լոյ­սին, այդ Լոյ­սին ներ­գոր­ծու­թեամբ ստեղ­ծեց իր գիրն ու գրա­կա­նու­թիւնը, թարգ­մա­նեց Սուրբ Գիր­քը` Աստ­ուա­ծա­շուն­չը, սկիզբ դնե­լով ազ­գա­յին գի­տակ­ցու­թեան` մար­դա­սի­րութ­եան, ար­դա­րու­թեան եւ ազա­տութ­եան գա­ղա­փար­նե­րով: Սր­բա­զան Հայ­րը իր խօս­քը ուղ­ղե­լով ժո­ղո­վուր­դին ըսաւ. «Հա­մե­մա­տա­բար նա­խորդ տար­ուան դժ­ուա­րին կա­ցութ­եան, ուր աղօ­թե­ցինք գա­լիք տար­ուան հա­մա­ժո­ղովր­դա­յին ներ­կա­յու­թեան հա­մար, այ­սօր մենք եկած ենք մեր կապ­ուա­ծու­թիւնը վե­րա­հաս­տա­տե­լու հան­դէպ Սուրբ Մես­րոպ Մաշ­տո­ցին, մեր յանձ­նա­ռու­թիւնը հան­դէպ հա­յե­րէն լեզ­ուին եւ կ՛աղօ­թեմ որ ոս­կեղ­նիկ մեր լե­զուն, որ աստ­ուա­ծա­յին շունչ ու­նի չցամ­քի մեր ժո­ղո­վուր­դի բեր­նին մէջ: Վեր­ջա­ւո­րութ­եան Սր­բա­զան Հայ­րը գնա­հա­տեց Ս. Գրի­գոր Լու­սա­ւո­րիչ եկե­ղեց­ւոյ մեծ ըն­տա­նի­քը` քա­հա­նայ հայ­րե­րով, թա­ղա­կան խոր­հուր­դով, տիկ­նա­ցով ու դպ­րաց դա­սով եւ ըսաւ. «Սր­բոց Թարգ­ման­չաց վար­դա­պետ­նե­րու ոգե­կոչ­ման յի­շա­տա­կին, այ­սօր, մե­զի կը մնայ աղօ­թել, որ­պէս­զի Սր­բոց Թարգ­ման­չաց ոգին եւ անոնց շնորհ­նե­րը իջ­նեն մեր կրթական մշակներուն վրայ, ինչպէս անցեալին նաեւ այսօր անոնք անձնուիրութեամբ ու սրբութեամբ ծառայեն, եւ մեզի հետ մնայ Աստուծոյ լոյսը եւ ամէն տեղ ճառագայթէ մեր ազգի կեանքին մէջ, ի փառս Աստուծոյ»:

Ս. Պատարագի աւարտին «Որք Զարդարեցին», «Ուրախ լեր» շարականներու երգեցողութեամբ հաւատացեալները խաչահամբոյր կատարեցին եւ ստացան Սրբազան Հօր օրհնութիւնը, ապա «Կիլիկիա» մաղթերգով Առաջնորդ Սրբազան Հայրը եկեղեցական թափօրով ուղղուեցաւ սրահ, ուր «Պահպանիչ» աղօթքով իր խաղաղութիւնը բաշխեց ներկաներուն:

Սրբոց Թարգմանչաց տօնին նուիրուած շաբաթը յատկանշուեցաւ Ս. Գրիգոր Նարեկացիով հոգեւոր վերանորոգութեան եւ մեր սուրբ հայրերու շունչով վերապրելու ուխտի նորոգութեան հրաշալի առիթի:

Եզնիկ Քհնյ. Զղջանեան

24/10/2013