kantsasar.com – Հայ Օգ­նու­թեան Միու­թեան ԱՄ­Ն-ի Արեւմտ­եան Շր­ջա­նի 93-րդ Պատ­գա­մա­ւո­րա­կան ժո­ղո­վը տե­ղի ու­նե­ցաւ այն­պի­սի ժա­մա­նակ մը, երբ ՀՕ­Մ-ի «Պնակ մը կե­րա­կուր» ծրա­գի­րը անօ­թի ըն­տա­նիք­ներ կը կե­րակ­րէ Սուր­իոյ Հա­լէպ քա­ղա­քին մէջ: Պատ­գա­մա­ւո­րա­կան ժո­ղո­վը լսեց ՀՕ­Մ-ի Կեդ­րո­նա­կան վար­չու­թեան ներ­կա­յա­ցու­ցիչ Անի Քէ­շիշ­եա­նի ներ­կա­յա­ցու­ցած տե­ղե­կա­գի­րը, ուր յիշ­ուած էր, թէ 250 տո­լա­րով rուր­ի­ա­հայ Օգ­նու­թեան Խա­չը 80 ըն­տա­նի­քի ճաշ կը տրա­մադ­րէ: Ար­դէն երկ­րորդ Պատ­գա­մա­ւո­րա­կան ժո­ղո­վը ըլ­լա­լով` Սուր­ի­ա­հայ դպ­րոց­նե­րուն ու գա­ղու­թին օգ­նե­լու հրա­մա­յա­կա­նը իր ազ­դե­ցու­թիւնը ու­նե­ցաւ այն իմաս­տով, թէ ինչ­պէ՛ս ժո­ղո­վը ար­ժե­ւո­րեց տա­րեշր­ջա­նի իրա­գոր­ծում­նե­րը եւ ինչ­պի­սի՛ որո­շում­ներ առաւ յա­ռա­ջի­կայ տա­րեշըր­ջա­նին հա­մար:

Պատ­գա­մա­ւո­րա­կան ժո­ղո­վին կը մաս­նակ­ցէ­ին 24 մաս­նա­ճիւ­ղե­րէ 68 պատ­գա­մա­ւոր­ներ` Արի­զո­նա, Նե­ւա­տա եւ Քա­լի­ֆորն­իա նա­հանգ­նե­րէն: Յու­լիս 12-էն 14, 2013-ին, Մոն­թե­պել­լո­յի Հայ կեդ­րո­նին մէջ տե­ղի ու­նե­ցած ժո­ղո­վը կը հիւ­րըն­կալ­ուէր Մոն­թե­պել­լո­յի «Նա­յի­րի» մաս­նա­ճիւ­ղին կող­մէ, Ար­փիկ Նա­ճար­եա­նի գլ­խա­ւո­րու­թեամբ հիւ­րըն­կա­լող յանձ­նա­խում­բին կող­մէ:

Շր­ջա­նա­յին վար­չու­թեան ատե­նա­պե­տու­հի Լե­նա Պո­զոյ­եան բա­րի գա­լուս­տի խօս­քե­րով ներ­կա­յա­ցուց հիւ­րե­րը: Թե­միս առաջ­նորդ Մու­շեղ արք. Մար­տի­րոս­եա­նին կ՛ըն­կե­րա­նա­յին Աշոտ քհնյ. Գամ­պուր­եան եւ Ազ­գա­յին վար­չութ­եան ատե­նա­պե­տու­հի Ռի­մա Պօ­ղոս­եան:

ՀՕ­Մ-ի Կեդ­րո­նա­կան վար­չու­թեան ատե­նա­պե­տու­հի Վի­քի Մա­րաշլ­եան ներ­կայ եղաւ ժո­ղո­վին, իսկ Կեդ­րո­նա­կան վար­չու­թեան ներ­կա­յա­ցու­ցիչն էր Անի Քէ­շիշ­եան: ՀՅԴ Կեդ­րո­նա­կան կո­մի­տէի ներ­կա­յա­ցու­ցիչն էր դոկտ. Վի­գէն Եա­գուպ­եան: Տեղ­ւոյն «Դրօ» կո­մի­տէի ներ­կա­յա­ցու­ցիչն էր Լե­ւոն Կի­րա­կոս­եան: ՀՕ­Մ-ի Արե­ւել­եան ԱՄ­Ն-ի Շր­ջա­նա­յին վար­չու­թեան ներ­կա­յա­ցու­ցիչն էր Թա­լին Մկրտչ­եան: ՀՕ­Մ-ի Շր­ջա­նա­յին վար­չու­թեան հիւ­րերն էին Խա­թուն Բագ­րա­տու­նի, Յաս­միկ Տէր­տէր­եան եւ Ռի­թա Հինդլ­եան: Ժո­ղո­վին որո­շու­մով ընտր­ուած հիւ­րերն էին Սօ­սի Փո­լատ­եան, Սօ­սի Կապրի­էլ եւ Ռու­բի­նա Բագ­րա­տու­նի:

Շր­ջա­նա­յին վար­չու­թեան անու­նով բա­րի գա­լուս­տի խօսք փո­խան­ցեց Լե­նա Պօ­զոյ­եան` նշե­լով, թէ անց­նող տա­րեշր­ջա­նին ըն­թաց­քին ՀՕ­Մ-ը դի­մագ­րա­ւեց ահա­ւոր տն­տե­սա­կան ճգնա­ժամ եւ կը շա­րու­նա­կէ դի­մագ­րա­ւել սե­րուն­դէ սե­րունդ փո­խան­ցու­մի հրա­մա­յա­կանն ու ար­հես­տա­վարժ մի­ջոց­նե­րու օգ­տա­գործ­ման ռազ­մա­վա­րա­կան ծրա­գի­րը: Սերն­դա­փո­խու­թիւն տե­ղի կ՛ու­նե­նար առա­ջին ան­գամ ժո­ղո­վին մաս­նակ­ցող 17 պատ­գա­մա­ւոր­նե­րով, որոնց ցուց­մունք­ներ փո­խան­ցեց Լ. Պօ­զոյ­եա­նը եւ խնդ­րեց աւե­լի փոր­ձա­ռու պատ­գա­մա­ւոր­նե­րէն, որ անոնց օգ­տա­կար դառ­նան: Իսկ ծրա­գիր­նե­րու առն­չու­թեամբ, ան դի­տել տուաւ թէ սուր­ի­ա­հա­յու­թեան օժան­դա­կու­թեան պա­հան­ջը, ինչ­պէս նա­եւ Հա­յաս­տա­նի, Ար­ցա­խի եւ Ջա­ւախ­քի ծրա­գիր­նե­րը կը շա­րու­նակ­ուին:

Առաջ­նորդ Մու­շեղ Սր­բա­զա­նը դի­տել տուաւ, թէ Արամ Ա. Կա­թո­ղի­կոս 2013 տա­րին Հայ Մօր Տա­րի հռ­չա­կած է եւ գնա­հա­տեց ՀՕՄ-ը, որ իբ­րեւ գուր­գու­րոտ եւ նուիր­եալ մայր` հա­սած է կա­րի­քա­ւոր ըն­տա­նի­քին ու ծե­րունի­ին, աշա­կեր­տին եւ ու­սա­նո­ղին: Սր­բա­զան հայ­րը նշեց, թէ ժո­ղո­վա­կան կեան­քի մէջ որ­քա՛ն փոր­ձա­ռու­թիւն ու­նե­նանք, այն­քա՛ն մեր յանձ­նա­ռու­թեան եւ նուի­րու­մի ոգին պէտք է բազ­մա­պատկ­ուի: Ապա գնա­հա­տեց Շր­ջա­նա­յին վար­չու­թեան եւ ան­դամ­նե­րուն տա­րած աշ­խա­տան­քը եւ օրհ­նեց ժո­ղո­վա­կան­նե­րը:

ՀՕ­Մ-ի Կեդ­րո­նա­կան վար­չու­թեան ներ­կա­յա­ցու­ցիչ Անի Քէ­շիշ­եա­նը իր վար­չու­թեան անու­նով յա­ջո­ղու­թիւն մաղ­թեց եւ յոյս յայտ­նեց, որ պատ­գա­մա­ւոր­նե­րը շի­նիչ առա­ջարկ­նե­րով ներ­կա­յա­նան եւ ար­դիւ­նա­ւէտ բա­նա­ձե­ւեր որ­դեգ­րեն` անոնց նիւ­թա­կա­նը եւ իրա­կա­նու­թիւն դառ­նա­լու կա­րե­լիու­թիւնը նկա­տի ու­նե­նա­լով: Ժո­ղո­վի աւար­տին, ըն­կե­րու­հին նշեց, որ այս­պի­սի ժո­ղով­ներ բա­ցա­ռիկ առիթ­ներ կը հան­դի­սա­նան, որ­պէս­զի` «քով-քո­վի գա­լով` վե­րա­նո­րո­գենք մեր ուխ­տը եւ փոր­ձենք դրա­կա­նօ­րէն մօ­տե­նալ մեր բո­լոր խն­դիր­նե­րուն, ի շահ մեր միու­թեան նպա­տա­կին ու առա­քե­լու­թեան»: Ան դի­տել տուաւ որ հա­մե­րաշխ հա­մա­գոր­ծակ­ցու­թիւնը ըն­կե­րու­հի­նե­րուն մի­ջեւ մեր բո­լո­րին յա­ջո­ղու­թեան բա­նա­լին կը հան­դի­սա­նայ, եւ քա­ջա­լե­րեց հա­մախմ­բել ու­ժե­րը եւ թափ տալ ՀՕ­Մ-ի զար­գաց­ման ու վե­րել­քին, տե­ղա­կան թէ հա­մաշ­խար­հա­յին գետ­նի վրայ:

Մոն­թե­պել­լո­յի «Դրօ» կո­մի­տէի ներ­կա­յա­ցու­ցիչ Լե­ւոն Կի­րա­կոս­եա­նը դր­ուա­տեց ՀՕ­Մ-ի ան­դամ­նե­րուն` սի­րով տա­րած կա­մա­ւոր աշ­խա­տան­քը, իբ­րեւ լա­ւա­գոյն օրի­նակ երի­տա­սար­դու­թեան հա­մար: Նա­եւ, ան դի­տել տուաւ կի­նե­րու հան­դէպ եղած բռ­նու­թեան դէպ­քե­րը, աշ­խար­հի տար­բեր շրջն­նե­րու եւ Հա­յաս­տա­նի մէջ:

ՀՕ­Մ-ի Արեւմտ­եան ԱՄ­Ն-ի Շր­ջա­նա­յին վար­չու­թեան ներ­կա­յա­ցու­ցիչ Թա­լին Մկրտչ­եան իր հրճ­ուան­քը յայտ­նեց այն բա­նին հա­մար, որ Արեւմտ­եան շր­ջան եկած է եւ կը գտն­ուի իր մօ­րաք­րոջ Խա­թուն Բագ­րա­տունիի հետ: Ան դի­տել տուաւ, որ ՀՕ­Մ-ի ազն­ուա­կան նպա­տա­կը ոչ մէկ հե­ռա­ւո­րու­թիւն կը ճանչ­նայ եւ որ սուր­ի­ա­հա­յու­թեան ահա­ւոր պայ­ման­նե­րուն պատ­ճա­ռով, աշ­խար­հի բո­լոր կող­մե­րէն օգ­նութ­եան ահա­զան­գը նոյն ուժգ­նու­թեամբ կը հաս­նի:

Պատ­գա­մա­ւո­րա­կան ժո­ղո­վը դիւան ընտ­րեց դոկտ. Նա­յի­րի Տէր­տէր­եան եւ Արուս­եակ Մել­քոն­եան` իբ­րեւ հա­մ­ա­ա­տե­նա­պետ­ներ, եւ Նա­զիկ Արիս­եան, Սօ­սի Ճապ­րայ­եան, Մա­րալ Մա­թոս­եան եւ Մե­կա­նոյշ Մել­քոն­եան` անգ­լե­րէ­նի ու հա­յե­րէ­նի ատե­նադ­պիր­ներ: Դիւա­նին կող­մէ Խա­թուն Բագ­րա­տու­նին նշա­նակ­ուե­ցաւ իբ­րեւ օրէնս­գէտ, Ռի­թա Հինդլ­եա­նը` իբ­րեւ թղ­թա­կից, եւ «Նա­յի­րի» մաս­նա­ճիւ­ղի ան­դամ­նե­րէն Ալիս Քէ­շիշ­եա­նը, Լէ­ո­նի Մու­րատ­եա­նը, Յաս­միկ Ուր­ֆալ­եա­նը եւ Փօ­լին Ալ­թուն­եա­նը` իբ­րեւ հս­կիչ­ներ:

Իրա­ւա­սու­թիւն­ներ ճշ­դող յանձ­նա­խում­բի ան­դամ­նե­րը` Ան­գի­նէ Ակոբ­եան, Ար­փի Դանի­էլ­եան եւ Մայ­տա Պէզճ­եան, քն­նե­ցին ժո­ղո­վը շա­րու­նա­կե­լու կա­րե­լիու­թիւնը` ըստ ՀՕ­Մ-ի կա­նո­նա­գի­րի պայ­ման­նե­րուն: Ընտ­րո­ղա­կան յանձ­նա­խում­բի ան­դամ ընտր­ուե­ցան Սիլ­վա Փօ­լատ­եան, Նո­րա Շի­րիք­եան, Լա­րա Գա­զանճ­եան, Ար­շօ Սա­սուն­եան եւ Մա­քօ Սեդ­րակ­եան: Բա­նա­ձե­ւի յանձ­նա­խում­բի դժ­ուա­րին պար­տա­կա­նու­թիւնը յանձն­ուե­ցաւ Աստ­ղիկ Շի­թիլ­եա­նին, Թա­լին Հին­տոյ­եա­նին եւ Վե­րա Գամ­պուր­եա­նին: Իսկ Արխիւա­յին յանձ­նա­խում­բի ան­դամ ընտր­ուե­ցան Մա­րալ Պաս­թիլ­եան, Քրիս­տին Յով­նան­եան եւ Էմ­մա Կա­րա­պետ­եան:

Մինչ պատ­գա­մա­ւոր­նե­րը կը սպա­սէ­ին յանձ­նա­խում­բե­րու աշ­խա­տանք­նե­րու աւար­տին, ան­ցած տա­րեշր­ջա­նին ըն­թաց­քին շր­ջա­նէն ներս տար­ուած աշ­խա­տանք­նե­րուն մա­սին տե­սա­ե­րիզ մը ցոյց տր­ուե­ցաւ: Օրա­կար­գին մաս կը կազ­մէր լու­սա­բա­նա­կան հար­ցում­ներ` Շր­ջա­նա­յին վար­չու­թեան, Ըն­կե­րա­յին ծա­ռա­յութ­եան եւ Հո­գե­բա­նա­կան կեդ­րո­նին մա­սին: Տոքթ. Լե­ւոն Ճր­նազ­եան պա­տաս­խա­նեց Հո­գե­բա­նա­կան կեդ­րո­նին մա­սին ուղղ­ուած հար­ցում­նե­րուն: Հա­յաս­տա­նի Ախուր­եան քա­ղա­քի ՀՕ­Մի Մօր ու Ման­կան առող­ջա­պա­հա­կան կեդ­րո­նի ու ծնն­դա­տան մա­սին տե­ղե­կու­թիւն­ներ փո­խան­ցեց տոքթ. Սե­ւակ Աւագ­եան: Ան տե­ղե­կա­ցուց, թէ ութ տա­րի­նե­րէ ի վեր, այդ կեդ­րո­նին մէջ 9056 նո­րա­ծին­ներ աշ­խարհ եկած են. կեդ­րո­նը կ՛աշ­խա­տակ­ցի ԵՈՒ­ՆԻ­ՍԵ­Ֆի պատ­ուաստ­նե­րու ծրա­գի­րով եւ «Եու.Էս.Էյտ» (USAID) կի­նե­րու առող­ջա­պա­հու­թեան ծրա­գի­րով: Սուր­ի­ա­հա­յու­թեան օժան­դա­կու­թեան մի­աց­եալ գոր­ծա­դիր մար­մի­նի (SARF) ատե­նա­պետ Զա­ւէն Խանճ­եան, իր կար­գին յա­տուկ շնոր­հա­կա­լու­թիւն յայտ­նեց ՀՕ­Մ-ի զօ­րակ­ցութ­եան հա­մար:

ՀՕ­Մ-ի Կեդ­րո­նա­կան վար­չու­թեան 27 եր­կիր­նե­րու մէջ վեր­ջին տար­ուան գոր­ծու­նէ­ու­թեան տե­ղե­կա­գի­րը ներ­կա­յա­ցուց Անի Քէ­շիշ­եա­նը. տե­ղե­կա­գի­րին մէջ նշ­ուած էր, թէ հա­կա­ռակ դժ­ուա­րու­թիւն­նե­րուն` ՀՕ­Մ-ը Հա­լէ­պի մէջ շա­բա­թը երեք ան­գամ 80 ըն­տա­նի­քի տաք ճաշ կը տրա­մադ­րէ: Այս ծրա­գի­րի մէկ օր­ուան հո­վա­նա­ւո­րու­թիւնը 250 տո­լար կը կազ­մէ: Իսկ Վի­քի Մա­րաշլ­եա­նը բա­ցատ­րու­թիւն­ներ տուաւ Ար­ցա­խի Ստե­փա­նա­կերտ քա­ղա­քի ՀՕ­Մ-ի «Սօ­սէ» ման­կա­պար­տէ­զի շէն­քին նո­րո­գու­թեան մա­սին:

Պատ­գա­մա­ւո­րա­կան ժո­ղո­վը ըն­դու­նեց կա­նո­նագ­րա­յին փո­փո­խու­թիւն­ներ, Բա­նա­ձե­ւի յանձ­նա­խում­բին նա­խորդ տար­ուան աշ­խա­տանք­նե­րուն մա­սին ներ­կա­յա­ցու­ցած յոյժ գնա­հա­տե­լի բա­նա­ձեւ մը վա­ւե­րա­ցուց, ըն­դու­նեց կարգ մը բա­նա­ձե­ւեր` տե­ղե­կատ­ուա­կան հան­դի­պում­նե­րու, քա­րոզ­չա­կան հա­ղոր­դագ­րութ­եան, երկ­րոր­դա­կան վար­ժա­րան­նե­րէ շր­ջա­նա­ւարտ­նե­րու պար­գե­ւատ­րու­մի եւ շա­րու­նա­կուող ծրա­գիր­նե­րու մա­սին` անոնց հա­մա­պա­տաս­խան տա­րե­կան պիւտ­ճէ մը ըն­դու­նե­լով: Այս տա­րի, հաշ­ուա­պա­հա­կան հա­մա­կար­գը փո­փո­խու­թեան են­թարկ­ուած էր եւ ներ­կա­յաց­ուած տե­ղե­կա­գի­րը բա­րե­փոխ­ուած կ՛երե­ւէր, սա­կայն դիւա­նը ան­կախ հաշ­ուեքն­նի­չի տե­ղե­կա­գիր մը եւս ստա­ցաւ:

Շր­ջա­նա­յին վար­չու­թեան նա­խորդ կազ­մէն Ճիւ­տի Ճին­կիր­եան, Ժար­մէն Միր­զա­խան­եան, Ան­ժէլ Օհան­նէս­եան, Լի­զա Սան­դիկ­եան եւ Ար­մէ­նու­հի Թով­մաս­եան ամ­բող­ջա­ցու­ցած էին իրենց 2 տար­ուան շր­ջա­նը: Ճիւ­տի Ճին­կիր­եան վե­րընտր­ուե­ցաւ, իսկ Արաք­սի Այ­քան­եան, Նա­նիկ Քիւ­փէլ­եան, Մա­րալ Մա­թոս­եան եւ Ատ­րի­նէ Փոս­թոյ­եան ընտր­ուե­ցան նոր եր­կու տար­ուան հա­մար:

Նոր վար­չու­թեան պար­տա­կա­նու­թիւն­նե­րը կ՛ընդգր­կեն ՀՕ­Մ-ի ծրա­գիր­նե­րու եւ 93-րդ Պատ­գա­մա­ւո­րա­կան ժո­ղո­վի բա­նա­ձե­ւե­րու գոր­ծադրու­մը` որոշ­ուած պիւտ­ճէ­ին հա­մե­մատ:

Ժո­ղո­վը նա­եւ ընտ­րեց Շր­ջա­նա­յին վար­չութեան փո­խան­դամ­ներ` նոր եր­կու տար­ուան հա­մար, հե­տեւ­եալ կար­գով. Սի­րար­փի Չա­քալ­եան, Նուարդ Մու­րատ­եան, Ան­գի­նէ Ակոբ­եան, Ով­սան­նա Խա­չա­տուր­եան եւ Մայ­տա Պէզճ­եան:

Վեր­ջին ընտ­րու­թիւնը Հաշ­ուեքն­նիչ յանձ­նա­խում­բին ընտ­րու­թիւնն էր, որ ժա­մա­նակ խնա­յե­լու հա­մար կա­տար­ուե­ցաւ մե­քե­նա­յով կար­դաց­ուե­լիք յա­տուկ թուղ­թե­րու վրայ: Հե­տեւ­եալ­նե­րը Հաշ­ուեքն­նիչ յաձ­նա­խում­բի ան­դամ ընտր­ուե­ցան` Նա­յի­րի Պոս­թան­եան, Վիւ­ի­ան Թաս­լաք­եան եւ Թա­մար Ու­րիշ­եան, որոնք պար­տա­կա­նու­թիւն ու­նին երեք ամի­սը ան­գամ մը հաշ­ուեքն­նու­թիւն կա­տա­րե­լու:

Դոկտ. Վի­գէն Եա­գուպ­եան Կեդ­րո­նա­կան կո­մի­տէի ամ­րա­կուռ կեց­ուած­քը բա­ցատ­րեց, շնոր­հա­ւո­րեց նո­րըն­տիր Շր­ջա­նա­յին վար­չու­թիւնը, շնոր­հա­կա­լու­թիւն յայտ­նեց ըն­թա­ցա­ւարտ վար­չու­թեան, Պատ­գա­մա­ւո­րա­կան ժո­ղո­վի դիւա­նին եւ պատ­գա­մա­ւոր­նե­րուն` իրենց ծա­ռա­յու­թեան հա­մար: Ան մաղ­թեց լից­քա­ւոր­ուիլ քն­նա­դա­տու­թիւն­նե­րով եւ աշ­խա­տանք­նե­րը հե­զա­սահ ու ծա­ւա­լուն կեր­պով շա­րու­նա­կել:

Ըստ սո­վո­րու­թեան` Լե­նա Պօ­զոյ­եան յու­շա­տախ­տակ­ներ յանձ­նեց ըն­թա­ցա­ւարտ Շր­ջա­նա­յին վար­չու­թեան ան­դամ­նե­րուն: Իւ­րա­քան­չիւ­րը առիթն ու­նե­ցաւ իր զգա­ցում­նե­րը ար­տա­յայ­տե­լու, կա­մա­ւոր­նե­րուն եւ պաշ­տօն­եա­նե­րուն շնոր­հա­կա­լու­թիւն յայտ­նե­լու, ինչ­պէս նա­եւ վե­րա­հաս­տա­տե­լու ՀՕ­Մ-ի իր ուխ­տը: Դիւա­նի ատե­նա­պետ­նե­րը` Նա­յի­րի Տէր­տէր­եանն ու Արուս­եակ Մել­քոն­եա­նը, գնա­հա­տե­ցին դիւա­նի ատե­նադ­պիր­նե­րուն բարձ­րօ­րակ գոր­ծը, յանձ­նա­խում­բե­րուն ու­շա­դիր աշ­խա­տան­քը ու ՀՕ­Մ-ի տա­րած հի­ա­նա­լի աշ­խա­տան­քը: Այլ հիւ­րեր եւ պատ­գա­մա­ւոր­ներ եւս իրենց սր­տի խօս­քե­րը փո­խան­ցե­ցին, ապա ժո­ղո­վը փակ­ուե­ցաւ:

Պատ­գա­մա­ւո­րա­կան ժո­ղո­վի փա­կու­մէն ետք, ՀՕ­Մ-ի Կեդ­րո­նա­կան վար­չու­թեան ներ­կա­յա­ցու­ցիչ Անի Քէ­շիշ­եա­նի, Պատ­գա­մա­ւո­րա­կան ժո­ղո­վի դիւա­նին եւ Շր­ջա­նա­յին վար­չու­թեան ան­դամ­նե­րուն մաս­նակ­ցու­թեամբ, ընտր­ուե­ցաւ Շր­ջա­նա­յին վար­չու­թեան 2013-2014 տա­րեշր­ջա­նի դիւա­նը` հե­տեւ­եալ ձե­ւով.

Ատե­նա­պետ` Լե­նա Պօ­զոյ­եան
Փո­խա­տե­նա­պետ` Գար­մէն Լի­պա­րիտ­եան
Ատե­նադպ­րու­հի` Կա­րի­նէ Բա­րիկ­եան-Սէ­թեան
Գան­ձա­պա­հու­հի` Քրիս­թի­նա Խանճ­եան

Խորհր­դա­կան­ներ` Արաք­սի Այ­քան­եան, Ճիւ­տի Ճին­կիր­եան, Նա­նիկ Քիւ­փէլ­եան, Մա­րալ Մա­թոս­եան եւ Ատ­րի­նէ Փոս­թոյ­եան:

Սոյն Պատ­գա­մա­ւո­րա­կան ժո­ղո­վը ցոյց տուաւ, որ շր­ջա­նիս դի­մագ­րա­ւած մար­տահ­րա­ւէր­նե­րը կ՛իրա­գործ­ուին: «Նա­յի­րի» մաս­նա­ճիւ­ղի նոր ըն­կե­րու­հի­նե­րէն Անի Տիգ­րան­եա­նը ժո­ղո­վին ըն­թաց­քին պար­տա­կա­նու­թիւն ստանձ­նած էր ելեկտ­րա­կան կազ­մած­նե­րը հս­կե­լու: Իսկ առա­ջին ան­գամ ըլ­լա­լով պատ­գա­մա­ւոր եղող­նե­րէն շա­տե­րը իրենց մաս­նակ­ցու­թիւնը բե­րին ժո­ղո­վին, ինչ­պէս նա­եւ յանձ­նա­խում­բե­րու ան­դամ ընտր­ուե­ցան: Պատ­գա­մա­ւո­րա­կան ժո­ղո­վը օգ­նեց, որ ՀՕ­Մ-ի շար­քե­րը ՀՕ­Մ-ի ծա­ռա­յա­կան աշ­խա­տան­քը շա­րու­նա­կեն` վե­րա­նո­րոգ­ուած ոգի­ով:

26/07/2013