kantsasar.com – Ամէն տա­րի, Փետր­ուար ամ­սուն Հայ Առա­քե­լա­կան Ս. եկե­ղե­ցին եւ ողջ հա­յու­թիւնը կը տօ­նեն Աւա­րայ­րի դաշ­տին վրայ իրենց հայ­րե­նի­քի եւ կրօն­քի պաշտ­պա­նու­թեան հա­մար նա­հա­տակ­ուած Վար­դա­նանց Քա­ջեր­ու յի­շա­տա­կը:

Ազ­գա­յին Քա­րէն Եփ­փէ Ճե­մա­րա­նի աշա­կեր­տու­թիւնը , տա­րի­նե­րու սո­վո­րու­թեան հա­մա­ձայն, այս տա­րի եւս­ կազ­մա­կեր­պեց ձեռ­նարկ մը, ու­սու­ցիչ-աշա­կերտ հա­մա­գոր­ծակ­ցա­բար ոգե­կո­չե­լու Վար­դա­նան­ց ան­թա­ռամ յի­շա­տա­կը:

Ոգե­կո­չու­մը­ տե­ղի ու­նե­ցաւ Չո­րեք­շաբ­թի, 25 Փետր­ուար 2014-ի առա­ւօտ­եան, «Գ. Եսայ­եա­ն» սրա­հէն ներս, զոյգ տնօ­րէն­նե­րու, օր­ուան բա­նա­խօ­սի, դաստ­ի­ա­րակ­նե­րու եւ ու­սուց­չա­կան կազ­մի ու ողջ աշա­կեր­տու­թեան ներ­կա­յու­թեամբ:

Ներ­կա­նե­րը հրա­ւիր­ուե­ցան մէկ վայրկ­եան յոտն­կայս` յար­գե­լու յի­շա­տա­կը մեր հին ու­ նոր նա­հա­տակ­նե­րուն:

Բաց­ման խօս­քով հան­դէս եկաւ ԺԱ. կար­գէն Ալի­սիա Արս­լան­եա­ն: Ան հա­մա­ռօտ ակ­նար­կով անդ­րա­դար­ձաւ հայ ժո­ղո­վուր­դի դա­րա­ւոր պատ­մու­թեան եւ փա­ռա­պանծ էջե­րուն, որոնք լի էին սխ­րա­գոր­ծու­թիւն­նե­րով եւ որոնց տա­րեթիւե­րը դրոշմ­ուած­ պի­տի մնան հայ մար­դու յի­շո­ղու­թեան մէջ: Անոնց շնոր­հիւ էր, որ հա­յը գո­յա­պայ­քար մղեց­ նոյ­նիսկ Հա­յաս­տա­նի պատ­մա­կան հո­ղե­րէն դուրս սփռ­ուե­լով աշ­խար­հի չորս ծա­գե­րուն: Ապ­ա­ անդ­րա­դառ­նա­լով այ­սօր­ուան իրա­վի­ճա­կին, ան կո­չ ուղ­ղեց ճե­մա­րա­նա­կան իր դա­սըն­կեր-դա­սըն­կե­րու­հի­նե­րուն Վար­դա­նանց ոգի­ով զօ­րա­նա­լու, զի­րար յար­գե­լու, եւ իրա­րու օգ­նելու :

Միջ­նա­կար­գի աշա­կերտ­նե­րը եւս յայ­տա­գի­րին մաս կազ­մե­լով հան­դէս եկան պատ­մա­կան ան­ցու­դար­ձե­րու հա­ղոր­դու­մով: Եօթ­ե­րորդ կար­գի աշա­կերտ­նե­րը ողջ­ հան­դի­սու­թեան ըն­թաց­քին յա­ջոր­դա­բար պատ­մա­կան դր­ուագ­ներ ներ­կա­յա­ցու­ցին, որոնք կ՛ընդ­միջ­ուէ­ին գե­ղար­ուե­սա­կան յայ­տա­գի­րով մը: Այս­պէս`

– Եօթ­ե­րորդ կար­գէն խումբ մը աշա­կերտ­ներ յա­ջոր­դա­բար եր­գե­ցին` «Հի­մի էլ լռեն­ք» եւ «Իմ հայ­րեն­եա­ց»-ը:
-Ու­թե­րորդ կար­գէն աշա­կերտ­ներ ար­տա­սա­նե­ցին Յով­հան­նէս Թու­ման­եա­նի «Լու­սա­ւոր­չի կան­թե­ղե քերթ­ուա­ծը, որոնց լաւ մա­տու­ցու­մը հան­դի­սա­տե­սի ու­շադ­րութ­եան եւ գնա­հա­տա­նքին ար­ժա­նա­ցաւ:
-Ու­թե­րորդ կար­գէն աշա­կերտ­ներ հան­դէս եկան «Արե­գակն ար­դա­ր» շա­րա­կա­նի մա­տուց­մամբ:
Այս բո­լո­րէն ետք, Ժ. կար­գէն Մկօ Մի­նաս­եա­նի կող­մէն պատ­րաստ­ուած տե­սա­ե­րի­զի ցու­ցադ­րու­թիւն տե­ղի ու­նե­ցաւ, որ նուիր­ուած էր օր­ուան խոր­հուր­դին:
-Ժ. կար­գէն աշա­կերտ-աշա­կեր­տու­հի­նե­րու բե­մա­կա­նա­ցու­մով, ներ­կա­նե­րը կեն­դա­նի պատ­կեր­նե­րով տե­սան Վար­դա­նի, Ղե­ւոնդ Երէ­ցի եւ հայ­րե­նա­սէր նա­խա­րար­նե­րու կեր­պար­ներն ու լ­սե­ցին անոնց իմաս­տուն խօս­քե­րը: Շատ հրա­պու­րիչ ձե­ւով այդ­տեղ մա­տուց­ուե­ցաւ Վար­դա­նի ճա­ռը, ճա­կա­տա­մար­տէն առաջ, ուղղ­ուած իր քաջ զի­նուոր­նե­րուն: Մեծ էր հայ կնոջ­ դե­րը, որ­պէս հայ քա­ջու­հի այս ճա­կա­տա­մար­տին:
Բե­մա­կա­նա­ցու­մէն ետք, Ժ. կար­գէն Յա­րութ Չուա­լեր­թան­եան մե­ներ­գեց «Նո­րահ­րա­շ» շա­րա­կա­նը: Անոր յա­ջոր­դեց եօթ­ե­րորդ կար­գէն Յա­կոբ Յով­հան­նէս­եա­նի Վար­դա­նանքի ն­ուիր­ուած աս­մուն­քը, որով հմա­յեց ունկնդ­րո­ղը:

Օր­ուան բա­նա­խօսն էր Ար­ժա­նա­պա­տիւ Տ. Տա­թեւ Աւագ քա­հա­նայ Մի­քա­յէլ­եա­ն: Յար­գե­լի բա­նա­խօ­սը հա­մա­ռօտ պատ­մա­կա­նը ներ­կա­յաց­նե­լէ ետք, յայտ­նեց որ Վար­դա­նանց պա­տե­րազ­մը գո­յա­պայ­քար էր: Նա­հա­տակ­նե­րու զա­ւակ­նե­րը շա­րու­նա­կե­լով իրենց պա­պե­րու աւան­դը դա­րեր շա­րու­նակ կե­նաց եւ մա­հու պայ­քար մղե­ցին եւ անոնց շնոր­հիւ է, որ­ մենք` մշա­կոյ­թի, կրօն­քի, հայ­րե­նի­քի եւ դրօ­շա­կի տէր ազգ մըն ենք եւ ու­նինք ­մեր սե­փա­կան հո­ղը: Շա­րու­նա­կե­լով խօս­քը` Տ. Տա­թեւ շեշ­տեց, որ որ­պէս ազգ պէտք չէ վս­տա­հիլ օտար­նե­րուն եւ ինք­նա­զար­գա­ցու­մով պէտք է քայլ պա­հել այ­սօր­ուան ճար­տա­րա­գի­տա­կան աշ­խար­հի ­հետ` մի­ա­ժա­մա­նակ վստահելով մեր կա­րո­ղու­թիւն­նե­րուն:

Տօ­նա­կա­տա­րու­թեան աւար­տին բեմ բարձ­րա­ցաւ վար­ժա­րա­նիս տ­նօ­րէն Յա­կոբ Քի­լէճ­եան` պար­գե­ւատ­րե­լու տար­բեր կար­գե­րու առաջ­նա­կարգ աշա­կերտ­նե­րը:

Ստո­րեւ կը ներ­կա­յաց­նենք առաջ­նա­կարգ աշա­կերտ­նե­րու ան­ուա­նա­ցան­կը`
Եօթ­ե­րորդ կարգ-
Շի­րազ Գպըճ­եան Ա., Աւօ Պօ­ղոս­եան Ա., Մէյ­րի Տըր­մաշ Ա. ,Յա­կոբ Տէ­օք­մէճ­եան Ա., Մա­րալ Ղա­զար­եան Բ., Անդ­րա­նիկ Մու­թաֆ­եան Բ., Տե­սիլ Սար­եան Գ., Սէր­լի Կեն­տիմ­եան Գ.
Ու­թե­րորդ կարգ-
Յա­կոբ Սա­սուն­եան Ա., Վա­նա Եա­գուպ­եան Բ., Ան­ժե­լա Սար­գիս Չաղ­լաս­եան Գ., Մա­րալ Պա­հար­եան Գ.
Տաս­ե­րորդ կարգ
Ալիք Սար­եան Ա., Սե­րե­նա Սար­գիս­եան Բ., Անի Մկր­տիչ­եան Գ.
Տասն­մէ­կե­րորդ կարգ
Գրա­կան- Ան­նա Մար­իա Պար­սում­եան Ա., Թա­գու­հի Խո­րէն Բ., Մար­իա Եա­փուճ­եան Գ.
Գի­տա­կան- Գէ­որգ Եղ­իայ­եան Ա., Ժեմ­մա Տաու­լէ Գ., Ալիս­իա Արս­լան­եան Բ., Մեղ­րիկ Մու­շոյ­եան Բ.
Հան­դի­սու­թիւնը իր աւար­տին հա­սաւ տէր հօր «Պահ­պա­նի­չ» աղօթ­քով:
Գէորգ Եղիայեան
ԺԱ. կարգ-Գիտական

09/03/2014