azator.gr – Մէկ տարի առաջ բացուած Կիլիկեան վարժարանը այլեւս գոյութիւն չունի: Նար-դոսի դպրոցի մէջ գտնուող, մօտ 350 աշակերտ ունեցող վարժարանը միակն էր Հայաստանի մէջ, ուր ուսուցումը կ’իրականացուէր սուրիական ծրագիրով, բացի հայերէնէն, երեխաները կը սորվին եւս 3 լեզու՝ արաբերէն, ֆրանսերէն եւ անգլերէն:
Վարժարանի արդէն նախկին տնօրէն Նորա Փլիպպոսեան «Աա1+»-ի հետ զրոյցի մէջ նշեց, որ դպրոցը փակուած է Սեպտեմբեր 15-էն, իսկ երեխաները կը յաճախեն հայկական հանրակրթական դպրոցներ:
«Չեմ կարող ասել, թէ ինչպէս եղաւ, հիմա դպրոց չկայ, երեխաներն էլ յաճախում են իրենց տների մօտ գտնուող դպրոցներ: Ես հիմա ոչ մի տեղ չեմ աշխատում»,- ըսաւ տիկին Փլիպպոսեան` ներողութիւն խնդրելով, որ չի կրնար մեր միւս հարցերուն պատասխանել, կը յայտնէ ԵՌԱԳՈՅՆ կայքէջը:
Սփիւռքի նախարարութեան աշխատակազմի ղեկավար Ֆիրտուս Զաքարեանը «Աա1+»-ին յայտնեց, որ Կիլիկեան վարժարանը իրաւական չէ եղած, իսկ հիմա ամէն ինչ կարգաւորուած է: Անոր խօսքերով, Կիլիկեան վարժարանը բացուած է սուրիացիներու առաջարկի հիման վրայ, որպէսզի երեխաները սթրեսային վիճակի մէջ չյայտնուին եւ սուրիական ծրագրէն ետ չմնան:
«Դա պայմանաւորուած էր նրանով, որ ծնողների մեծ մասը վստահ էին, որ պատերազմի աւարտից յետոյ կը վերադառնան Սիրիա, իսկ որոշ ժամանակ անց, մեզ հետ զրոյցներում ասացին, որ պէտք է մնան Հայաստանում եւ իրենց երեխաների բուհական կրթութիւնը տեսնում են հայկական բուհերում: Դա եղաւ այն հիմքը, որի հիման վրայ նոր մօտեցում ձեւաւորուեց, սիրիահայ երեխաները պէտք է ինտէգրուեն (համարկուին) հայկական դպրոցներում: Ճիշդ է, հիմա սիրիահայ երեխաներն անցնում են հայկական ծրագրով, բայց ունեն արեւմտահայերէնի եւ արաբերէնի ժամեր»,-նշեց պարոն Զաքարեան:
Անոր փոխանցմամբ, երեխաներու մէկ մասը կը շարունակէ կրթութիւն ստանալ նոյն դպրոցի մէջ, ուր տեղակայուած էր Կիլիկէան վարժարանը‘ Նար-դոսի անուան թիւ 114 դպրոցի մէջ, իսկ միւս մասը՝ իրենց բնակարաններու մօտ գտնուող դպրոցներու մէջ:
Իսկ Կրթութեան եւ Գիտութեան նախարարութեան Հանրակրթութեան վարչութեան բաժնի պետ Սիւզաննա Մակեան պարզաբանած է, որ դպրոցը փակ- ւած է աշակերտներ չըլլալու պատճառով. «ինչքանով ես տեղեակ եմ, աշակերտներ չեն հաւաքուել, այդ իսկ պատճառով էլ դպրոցը չի գործում: Սիրիահայ երեխաները նախընտրել են մեր դպրոցները»:
11/11/2013