kantsasar.com – ՍՕԽ-ը իր հիմ­նադ­րու­թեան առա­ջին օրէն իսկ բա­րե­սի­րա­կան բազ­մաբ­նոյթ առա­քե­լու­թեան առըն­թեր, հայ­կա­կան աւան­դոյթ­նե­րը պահ­պա­նե­լու ծանր լու­ծը ստանձ­նած է, յատ­կա­պէս հայ­կա­կան ասեղ­նա­գոր­ծու­թեան ընդ­մէ­ջէն, ուր դր­սե­ւոր­ուած են հայ կնոջ գե­ղար­ուես­տա­կան ճա­շակն ու մշա­կոյ­թի նկատ­մամբ ու­նե­ցած առանձ­նա­յատ­կու­թիւն­նե­րը:

ՍՕԽ-ի Շրջ. Վար­չու­թեան ձե­ռար­ուես­տի յանձ­նա­խում­բի նուիր­եալ խա­չու­հի­նե­րը կը վե­րա­կանգ­նեն այդ աւան­դոյթ­նե­րը դա­սըն­թացք­նե­րու ընդ­մէ­ջէն, միշտ քայլ պա­հե­լով ժա­մա­նա­կի պա­հանջ­նե­րուն հետ:

Հա­կա­ռակ երկ­րիս ան­կա­յուն վի­ճա­կին եւ տի­րող ծանր պայ­ման­նե­րուն, շնոր­հիւ խա­չուհի­ին անն­կուն կամ­քին ու նուի­րու­մի բարձր գի­տակ­ցու­թեան, այս տա­րեշր­ջա­նին եւս ձե­ռար­ուես­տի յանձ­նա­խում­բը կազ­մա­կեր­պեց նոր­վէկ­եա­նի, տան­թել պրու­թո­նի, կար ու ձե­ւի, ու­լուն­քի եւ բուր­դի հիւս­ուած­քի դա­սըն­թացք­ներ, 2 ամս­ուան տե­ւո­ղու­թեամբ, որոնց հե­տե­ւե­ցան 29 երի­տա­սար­դու­հի­ներ:

Դա­սըն­թացք­նե­րու աւար­տին, Չո­րեք­շաբ­թի 2 Հոկ­տեմ­բեր 2013-ի առա­ւօտ­եան, Հա­լէ­պի «Ս.Վրաց­եան» կեդ­րո­նէն ներս տե­ղի ու­նե­ցաւ ՍՕԽ-ի Շրջ. Վար­չու­թեան ձե­ռար­ուես­տի յանձ­նա­խում­բին կազ­մա­կեր­պած դա­սըն­թացք­նե­րու յա­տուկ վկա­յագ­րե­րուն բաշխ­ման հան­դի­սու­թիւնը: Հան­դի­սու­թեան ներ­կայ էին ՍՕԽ-ի Շրջ. Վար­չութ­եան ներ­կա­յա­ցու­ցիչ­նե­րը, ՍՕԽ-ի հո­գե­ւոր հո­վիւ` Ար­ժա­նա­պա­տիւ Տէր Յու­սիկ քա­հա­նայ Սեդ­րակ­եա­նը, ձե­ռար­ուես­տի յանձ­նա­խում­բի ան­դամ­նե­րը, դա­սըն­թացք­նե­րու մաս­նա­կից­ներն ու անոնց հա­րա­զատ­նե­րը:

Բաց­ման խօս­քով յանձ­նա­խում­բի ատե­նա­պե­տու­հի օրդ. Սի­րուն Եա­գուպ­եան անդ­րա­դար­ձաւ ձե­ռար­ուես­տի յանձ­նա­խում­բին տա­րած աշ­խա­տանք­նե­րուն եւ վեր առաւ հայ­կա­կան ասեղ­նա­գոր­ծու­թեան պահ­պան­ման կա­րե­ւո­րու­թիւնը:

Դա­սըն­թացք­նե­րու մաս­նա­կից­նե­րուն սր­տի խօս­քը փո­խան­ցեց օր. Զե­փիւռ Գէ­որգ­եան, որ շնոր­հա­կա­լու­թիւն յայտ­նեց ՍՕԽ-ին եւ յատ­կա­պէս ձե­ռար­ուես­տի յանձ­նա­խում­բին, օգ­տա­շատ դա­սըն­թացք­նե­րուն եւ հայ երի­տա­սար­դու­հի­նե­րը հայ­կա­կան մշա­կու­թա­յին աւան­դոյթ­նե­րուն ծա­նօ­թաց­նե­լուն հա­մար:

Այ­նու­հե­տեւ յանձ­նա­խում­բի ան­դամ­նե­րէն Այ­տա Պէ­րէ­ճիքլ­եան եւ Մա­րի Զա­րիկ­եան ներ­կա­յա­ցու­ցին փունջ մը օգ­տա­շատ գի­տե­լիք­ներ: ՍՕԽ-ի Շրջ. Վար­չու­թեան անու­նով խօսք առաւ Շրջ. Վար­չու­թեան ան­դամ տիկ. Վար­դուկ Պար­տաքճ­եան, որ շեշ­տեց, թէ այ­սօր ամէն ժա­մա­նակ­նե­րէ աւե­լի, խա­չուհի­ին պարտքն է տէր կանգ­նիլ հայ­կա­կան մեր ար­ժէք­նե­րուն եւ սե­րուն­դէ-սե­րունդ փո­խան­ցել զա­նոնք:

Հան­դի­սու­թեան աւար­տին տե­ղի ու­նե­ցաւ վկա­յագ­րե­րու բաշ­խում, ձե­ռամբ` Շրջ. Վար­չու­թեան ատե­նա­պե­տու­հի տիկ. Ան­նա Տէր­Յա­կոբ­եա­նի, յանձ­նա­խում­բի ատե­նա­պե­տու­հի օրդ. Սի­րուն Եա­գուպ­եա­նի եւ Ար­ժա­նա­պա­տիւ Տէր Յու­սիկ քա­հա­նայ Սեդ­րակ­եա­նի:

Այս­պէս`

-Նոր­վէկ­եա­նի դա­սըն­թաց­քին հե­տե­ւե­ցան եւ վկա­յագ­րեր ստա­ցան 10 մաս­նա­կից­ներ, դա­սա­ւան­դու­թեամբ Մա­րալ Գա­զէզ­եա­նի:
– Տան­թէլ Պրու­թո­նի հե­տե­ւե­ցան 5 մաս­նա­կից­ներ, դա­սա­ւան­դու­թեամբ տիկ. Մա­կի Սու­լուքճ­եա­նի:
-Կար ու Ձե­ւի հե­տե­ւե­ցան 7 մաս­նա­կից­ներ, դա­սա­ւան­դութ­եամբ օր. Մա­րի Ատուր­եա­նի:
-Բուր­դի հիւս­ուած­քի հե­տե­ւե­ցան 5 մաս­նա­կից­ներ, դա­սա­ւան­դու­թեամբ Տիկ. Մա­կի Սու­լուքճ­եա­նի:
-Ու­լուն­քի դա­սըն­թաց­քին հե­տե­ւե­ցան 2 մաս­նա­կից­ներ, դա­սա­ւան­դու­թեամբ օր. Ֆլո­րա Կի­րա­կոս­եա­նի:
Աւելց­նենք, որ ձե­ռար­ուես­տի յանձ­նա­խում­բը նման դա­սըն­թացք­նե­րու շարք մը պի­տի սկ­սի նա­եւ 16 Հոկ­տեմ­բեր 2013-ին:

ՍՕԽ-ի Շրջ. Վարչութեան
Դաստիարակչական յանձնախումբ