Հո­վա­նա­ւո­րու­թեամբ` Բեր­իոյ Հա­յոց Թե­մի Առաջ­նորդ Գերշ. Տ. Շա­հան Սրբ. Եպս. Սար­գիս­եա­նի եւ նա­խա­ձեռ­նութեամբ` Արժ. Տ. Զա­րեհ Քհնյ. Շա­քար­եա­նի մա­նուկ­նե­րուն հո­գե­ւոր, կրօ­նա­կան եւ բա­րո­յա­կան գի­տե­լիք­ներ փո­խան­ցե­լու նպա­տա­կաւ, ի գործ դր­ուե­ցաւ եր­կու ամս­ուան տե­ւո­ղու­թեամբ ամ­փոփ ծրա­գիր մը: Հան­դի­պում­նե­րը սկիզբ առին 2 Յու­լիս 2013-ին, առա­ւօտ­եան ժա­մը 10:00-էն 11:00, Սիւ­լէյ­մանիէ շըր­ջա­նի Հայց. Առա­քե­լա­կան Եկե­ղե­ցա­սի­րաց Եղ­բայ­րակ­ցու­թեան կեդ­րո­նէն ներս:

Մա­նուկ­նե­րը բաժն­ուե­ցան եր­կու խում­բե­րու. առա­ջին խըմ­բա­կը ընդգր­կեց` չոր­րորդ կար­գէն-վե­ցե­րորդ կար­գի աշա­կերտ­նե­րը, որոնք կը յա­ճա­խեն Երեք­շաբ­թի օրե­րը, իսկ Չո­րեք­շաբ­թի օր­ուան խմ­բա­կը` առա­ջի­նէն-եր­րորդ: Անոնք առա­ջին օրէն իսկ մեծ հե­տաքրք­րու­թեամբ եւ ոգե­ւո­րու­թեամբ հե­տե­ւե­ցան իրենց հա­մար պատ­րաստ­ուած ծրագ­րին:

Մէկ ամս­ուան հան­դի­պում­նե­րէն ետք, 30- 31 Յու­լիս 2013-ին Առաջ­նորդ Սր­բա­զան Հայ­րը այ­ցե­լեց կեդ­րո­նը: Եր­կու օրե­րու ըն­թաց­քին, մա­նուկ­նե­րը մեծ խան­դա­վա­ռու­թեամբ եւ ծա­փող­ջոյն­նե­րով դի­մա­ւո­րե­ցին Սր­բա­զան Հայ­րը: Արժ. Տ. Զա­րեհ Քհնյ. Շա­քար­եան աշա­կերտ­նե­րուն եւ ներ­կա­նե­րուն կող­մէ, Սր­բա­զան Հօր բա­րի գա­լուստ մաղ­թեց եւ աջա­համ­բոյր կա­տա­րեց: Այ­նու­հե­տեւ, աշա­կերտ­նե­րը յայ­տագ­րին հետ մէկ­տեղ ներ­կա­յա­ցու­ցին իրենց սոր­ված շա­րա­կան­նե­րը, աղօթք­նե­րը եւ հո­գե­ւոր եր­գե­րը, որոնց­մէ կա­րե­լի է յի­շել «Ող­ջոյն քեզ կեանք, Նայ­եաց Սի­րով», «Բա­րե­կամ ման­կանց» հո­գե­ւոր եր­գե­րը եւ «Զօ­րու­թիւն Սուրբ Խա­չի» ու «Մար­մին Տէ­րու­նա­կան» շա­րա­կան­նե­րը: Մա­նուկ­նե­րուն ան­մեղ շրթ­նե­րէն լսուե­ցան նա­եւ «Ով Մեծ Աստ­ուած», «Պա­հա­պան ամե­նայ­նի» եւ «Իմաս­տու­թիւն Հօր Յի­սուս» աղօթք­նե­րը:

Ներ­կա­յաց­ուե­ցաւ նա­եւ բար­ո­յա­լից պատ­մու­թիւն մը, որուն վեր­նա­գիրն էր «Մեծ է զօ­րու­թիւնը Քրիս­տո­սի», ներ­կա­յա­ցուց երէց­կին Սե­դա Զե­րենց­եա­նը:
Սր­բա­զան Հայ­րը Երեք­շաբ­թի օր­ուան օրհ­նա­բեր այ­ցե­լու­թեան աւար­տին, հայ­րա­կան յոր­դոր­ներ փո­խան­ցեց ներ­կա­նե­րուն, հո­գե­ւոր խորհր­դա­ծու­թեան նիւ­թը առ­նե­լով Պօ­ղոս առաք­եա­լի յղած Տի­մո­թէ­ո­սի երկ­րորդ նա­մա­կի 3-րդ գլ­խու 15-րդ հա­մա­րէն, անդ­րա­դար­ձաւ թէ մա­նուկ հա­սա­կէն Սուրբ Գիր­քը գիտ­նա­լը յատուկ զօ­րու­թիւն ու­նի մա­նու­կին միտ­քը իմաս­տութ­եամբ բա­նա­լու, որ­պէս­զի Քրիս­տոս Յի­սու­սն հա­ւա­տայ ու փրկուի:

Իսկ Չո­րեք­շաբ­թի օր­ուան այ­ցե­լու­թեամբ, Սր­բա­զան Հայ­րը մա­նուկ­նե­րուն բա­ցատ­րեց հրեշ­տակ­նե­րուն եւ բա­րի հովիւին առա­քե­լու­թեան մա­սին: Ներ­կա­նե­րը մի­աս­նա­բար եր­գե­ցին «Տէր Ողորմ­իա»ն, խա­ղա­ղու­թիւն խնդ­րե­լով աշ­խար­հին եւ յատ­կա­պէս Սուր­ի­ա­կան հայ­րե­նի­քին: Սր­բա­զան Հօր «Պահ­պա­նիչ»ով եւ Եկ­մալ­եան եր­գե­ցո­ղութեամբ «Տէ­րու­նա­կան Աղօթք»ով վերջ գտան հան­դի­պում­նե­րը:

Իւ­րա­քան­չիւր հան­դիպ­ման աւար­տին տե­ղի ու­նե­ցաւ հիւ­րա­սի­րու­թիւն: Երեք­շաբ­թի օր­ուան հիւ­րա­սի­րու­թիւնը աշա­կերտ­նե­րէն` Յա­կոբ եւ Շանթ Տէ­օք­մէճ­եան­նե­րուն կող­մէ, իսկ Չո­րեք­շաբ­թի` Օրդ. Մա­րի­նա Հայ­րա­պետ­եա­նին կող­մէ:

Յի­շենք թէ, սոյն ծրա­գի­րը պի­տի շա­րու­նակ­ուի մին­չեւ Օգոս­տոս 29: Ար­դա­րեւ, մեր փա­փաքն է, որ ծնող­նե­րը քա­ջա­լեր հան­դի­սա­նան իրենց զա­ւակ­նե­րուն` սոյն ծրագ­րին հե­տե­ւե­լու եւ հո­գե­ւոր ու բա­րո­յա­կան կր­թու­թիւն ստա­նա­լու հա­մար:

Ալին Հայ­րա­պետ­եան