kantsasar.com – Բա­րեւ Լիզ­պո­նի Տղաք, բա­րեւ Հե­րոս­նե՛ր, Բա­րե՜ւ Ըն­կեր­ներ…

Առա­ջին ան­գամն է որ Ձեր ան­մո­ռաց յի­շա­տա­կը յար­գե­լու հա­մար, փո­խա­նակ Հա­լէ­պի Ազ­գա­յին Գե­րեզ­մա­նա­տան մէջ Ձե­զի նուիր­ուած յու­շա­քա­րը այ­ցե­լե­լու, խունկ ու մոմ կը վա­ռեմ Պէյ­րու­թի Ազգ. Գե­րեզ­մա­նա­տան մէջ, երի­տա­սար­դու­թեան լու­սա­ճա­ճանչ կան­թեղ դար­ձած Ձեր դամ­բա­րա­նին առ­ջեւ…:

Ես ու ըն­կերս Ձեր նա­հա­տա­կու­թեան 25 ամ­եա­կի ոգե­կո­չու­մէն ի վեր, ուխ­տած ենք, ամէն Յու­լիս 27-ին այ­ցե­լել Ձեզ, վե­րա­նո­րոգ­ուե­լու Ձեր ազ­գա­սի­րա­կան ու հայ­րե­նա­սի­րա­կան վե­հա­գոյն գա­ղա­փար­նե­րով: Իրա­պէ՛ս,անց­նող հինգ տա­րի­նե­րուն, ամէն Յու­լիս 27-ին, գոր­ծու­նէ­ու­թեան իրա­կա­նաց­ման կէ­սօր­ուայ այդ թէժ ժա­մե­րուն, հինգ կար­միր մե­խակ­ներ մե­զի հետ վեր­ցու­ցած կ’ուղղ­ուէ­ինք դէ­պի Հա­լէ­պի Ազգ. Գե­րեզ­մա­նա­տուն: Առա­ջին եր­կու տա­րի­նե­րուն, նկա­տի առած որ աշ­խա­տան­քա­յին պարզ օրեր էին եւ ո՛չ սո­վո­րու­թեան հա­մա­ձայն գե­րեզ­մա­նա­տուն այ­ցե­լե­լու Շա­բաթ օր, արաբ դռ­նա­պա­նը զար­ման­քով դու­ռը կը բա­նար, անոր աչ­քե­րէն` «Այս երի­տա­սարդ տղա­քը այս ան­սո­վոր օր­ուան մէջ, ի՞նչ գործ ու­նին այս­տե­ղ» հար­ցու­մը կը կար­դա­յինք : Ժպի­տով մը կը բա­րե­ւէ­ինք զինք ու կը հաս­նէ­ինք Ձեր յու­շա­քա­րին:Նա­խորդ Շա­բաթ ու Կի­րա­կի օրե­րուն` Ձեր ան­մա­հա­ցած անուն­նե­րուն տակ ժո­ղո­վուր­դը, Սկաու­տա­կան մի­ա­ւոր­ներն ու երի­տա­սար­դա­կան միու­թեան ան­դամ­նե­րը ծաղ­կեպ­սակ­ներ ու վար­դեր զե­տե­ղած կ’ըլ­լա­յին: Անոնց քով, մեր հետ բե­րած կար­միր վար­դե­րը քնք­շու­թեամբ կը դա­սա­ւո­րէ­ինք: Ապա` «Ահա այս­պէս ար­շա­ւե­ցիք»ը կը մռլ­տա­յինք, յե­տոյ քիչ մը լուռ կը մնա­յինք, կը ցա­ւէ­ինք Ձեր նա­հա­տա­կու­թեան, կ՛ազդ­ուէ­ինք, կը նե­ղա­նա­յինք տա­կա­ւին առ­կայ անար­դա­րու­թեան, կը դա­տա­պար­տէ­ինք ոճ­րա­գոր­ծը ու ամէ­նէն կա­րե­ւո­րը` Ձեր սկ­սած գոր­ծը ներ­կայ դա­րու պայ­ման­նե­րով ու մի­ջոց­նե­րով շա­րու­նա­կե­լու խոս­տու­մը կու տա­յինք:

Յա­ջոր­դող տա­րի­նե­րուն դռ­նա­պա­նը ալ գի­տեր, թէ մենք ին­չո՞ւ ամէն Յու­լիս 27-ին կ՛այ­ցե­լէ­ինք Հա­լէ­պի Ազգ. Գե­րեզ­մա­նա­տուն…: Իսկ այս տա­րի՞…: Հոս է ցա­ւա­լին սի­րե­լի՛ տղաք: Այս տա­րի փակ է Հա­լէ­պի Ազգ. Գե­րեզ­մա­նա­տու­նը: Սուր­իոյ մէջ ըն­թա­ցող զի­նուո­րա­կան գոր­ծո­ղու­թիւն­նե­րուն հե­տե­ւան­քով` պե­տա­կան եւ ընդ­դի­մա­դիր ու­ժե­րը ան­ջա­տող վտան­գա­ւոր գօ­տի դար­ձած է Հա­լէ­պի Ազգ. Գե­րեզ­մա­նա­տու­նը: Նե­րե­ցէ՛ք, փառ­քի թափ­նեպ­սակ­նե­րու ար­ժա­նի ըն­կեր­ներ, այս տա­րի Հա­լէ­պի Ձեր յու­շա­քա­րը պի­տի չզար­դար­ուի միու­թե­նա­կան ու ժո­ղովր­դա­յին ծաղ­կեպ­սակ­նե­րով, մո­մե­րով, խուն­կե­րւվ ու վար­դե­րով: Ճիշդ է, որ հպարտ եմ, թէ այս տա­րի պատիւը ու­նե­ցայ մաս­նակ­ցե­լու Ձե­զի նուիր­ուած քայ­լար­շա­ւին ու հի­մա` Պէյ­րու­թի Ազգ. Գե­րեզ­մա­նա­տան Լիզ­պո­նի դամ­բա­րա­նին առ­ջեւ կանգ­նած կը խո­նար­հիմ Ձեր մաք­րա­մա­քուր ու ան­շա­հախն­դիր զո­հա­բե­րու­թեան դի­մաց, ինչ­պէս նա­եւ կ՛ըմ­բոշխ­նեմ Լի­բա­նա­նի Երի­տա­սար­դա­կան Միու­թեան կազ­մա­կեր­պած յի­շա­տա­կի ձեռ­նար­կի ար­տա­սան­ուած խօս­քե­րը, բայց միտքս ու հո­գիս հո՛ն է, Հա­լէ՛պ: Ա՛յն Հա­լէ­պը, որ իմ նման­նե­րուն Ձե­զի ծա­նօ­թա­ցուց, Ձեր օրի­նա­կով կեր­տեց ու դաստի­ա­րա­կեց նո­րա­նոր սե­րունդ­նե­րը: Ա՛յն Հա­լէ­պը, որ Պէյ­րու­թէն դէ­պի Լիզ­պոն գա­ցող ու ապա ամ­բողջ աշ­խար­հը ցն­ցող տղոց անուն­նե­րը ան­մա­հաց­նող­նե­րէն դար­ձաւ:

Այս պա­հուն, միտքս ու հո­գիս ամէն տա­րի մի­աս­նա­բար Ձե­զի այ­ցե­լող ըն­կե­րոջս հետ է. երի­տա­սար­դա­կան, պա­տա­նե­կան ու սկաու­տա­կան խում­բե­րուն հետ է, որոնք տիւ ու գի­շեր նուիր­ուած են ժո­ղո­վուր­դին ծա­ռա­յու­թեան: Դուք զոհ­ուե­ցաք յա­նուն գե­րա­գոյն նպա­տա­կի, յա­նուն ազ­գա­յին ազն­ուա­գոյն ար­ժա­նիք­նե­րու, յա­նուն հա­յու­թեան բա­րօ­րու­թեան ու անվ­տանգ կեան­քի, իսկ այ­սօր` երե­սուն տա­րի­ներ ետք, որ­պէս ազ­գա­յին պար­ծան­քի մէկ երե­ւոյթ, նոյն Ձեր հե­տապն­դած նպա­տակ­նե­րուն հա­մար, Հա­լէ­պի եւ Սուր­իոյ զա­նա­զան հա­յաբ­նակ շր­ջան­նե­րու մէջ պատ­նէ­շի վրայ են կեան­քի գնով զո­հո­ղու­թեան պատ­րաստ նուիր­եալ­ներ:

Հան­գի՛ստ նն­ջե­ցէք թան­կա­գին ըն­կեր­ներ, որով­հե­տեւ Լիզ­պո­նէն եկած ազ­գան­ուի­րու­մի պատ­գամ­նե­րով, Ձեր օրի­նա­կով գօ­տեպնդ­ուած Հայ նո­րա­հա­սակ սե­րունդ­նե­րը ժա­մա­նա­կա­կից զէն­քե­րով շա­րու­նա­կե­լու են տէր ու պաշտ­պան մնալ մեր ազ­գա­յին ար­ժէք­նե­րուն: Առ այդ, ըն­դու­նե­ցէ՛ք այս մո­մերն ու հինգ վար­դե­րը բո­լոր անոնց կող­մէ, որոնք այս տա­րի ակա­մայ պի­տի չկր­նան այ­ցե­լել Հա­լէ­պի Ձեր Յու­շա­քա­րը:
Այս տա­րի Պէյ­րու­թի դամ­բա­րա­նէն, օր մըն ալ ան­կաս­կած Մի­աց­եալ Հա­յաս­տա­նի մէջ Ձե­զի նուիր­ուած յու­շա­քա­րին առ­ջեւ կանգ­նե­լու յոյ­սով` Յար­գանք Ձեզ:

Գէորգ Յակոբճեան

01/08/2013