panorama.am – Հալեպի Նոր Գյուղ հայահոծ շրջանում ռումբեր են պայթել: «Բերիո Լուրեր»-ի փոխանցմամբ, դրանցից մեկն ընկել է կեսօրին` ժամը 13:00-ին, Կիլիկա շենքից մի փոքր այն կողմ, ինչի հետևանքվ երկու մարդ է զոհվել` արաբ կին և նրա թոռնիկը:
Նաև վիրավորներ են եղել, ովքեր անմիջապես հիվանդանոց են տեղափոխվել: Նրանց վիճակը բուժօգնությունից հետո կայուն է: Նյութական վնասներ են եղել:
Երկրորդ պայթունը կեսօրից հետո, ժամը` 5:00-ին է տեղի ունեցել, երկու թնդանոթների թիրախը ծաղկավաճառ ՄԻՏԱՆի հարևանությամբ է եղել: Երրորդը` Ազգ. Սահակյան վարժարանի մոտ:
Այլ պայթյուններ էլ են եղել, որոնք լուրջ վնասներ չեն հասցրել: Մի շարք բնակարաններ ու ավտոբուսներ են վնասվել:
Նշենք, որ անցնող մի քանի օրերում Հալեպում սիրիական բանակի և զինյալ ընդդիմադիրների միջև տեղի են ունեցել ծանր բախումներ: