kantsasar.com – Թուրք-սուր­ի­ա­կան սահ­մա­նին մօտ առե­ւանգ­ուած եր­կու սուր­ի­ա­հայ պա­տա­նի­նե­րը ար­դէն ազատ ար­ձակ­ուած են եւ անոնց ոչ մէկ վնաս հասց­ուած է:

Հա­լէ­պի հայ­կա­կան թա­ղա­մա­սե­րուն մէջ վեր­ջին շր­ջա­նին իրա­վի­ճա­կը հիմ­նա­կա­նօ­րէն հան­դարտ է, եւ նոր մի­ջա­դէ­պեր չեն ար­ձա­նագըր­ուած: Բնա­կա­նա­բար, պա­տա­հա­կան, ինչ­պէս նա­եւ ար­ձա­կա­զէն­նե­րուն կող­մէ ար­ձակ­ուած փամ­փուշտ­նե­րուն վտան­գը միշտ ալ կայ, սա­կայն ընդ­հա­նուր առ­մամբ, մեր թա­ղա­մա­սե­րուն մէջ մար­տեր չկան: Հա­լէ­պի մէջ ընդ­հան­րա­պէս կար­ճա­տեւ մար­տեր կը կա­տար­ուին, սա­կայն անոնք առայժմ հե­ռու են հայ­կա­կան թա­ղա­մա­սե­րէն:

30 Յու­լի­սին կա­ռա­վա­րա­կան ու­ժե­րը իրենց վե­րահս­կո­ղու­թեան տակ առած են Ալ Խա­նա­սեր բլուր կո­չուող շր­ջա­նը, ուր­կէ կ՛անց­նի Հա­լէպ տա­նող ռազ­մա­վա­րա­կան նշա­նա­կու­թիւն ու­նե­ցող ճամ­բան, որուն մի­ջո­ցով կա­րե­լի է Հա­լէպ բե­րել պա­րէն եւ դե­ղո­րայք:

Շր­ջա­փակ­ման պատ­ճա­ռով հա­յա­շատ Հա­լէ­պի մէջ ար­դէն հա­ցի, սնն­դե­ղէ­նի ու վա­ռե­լա­նիւ­թի կա­րի­քը կը սրի: Հա­ցի փու­ռե­րուն դի­մաց կար­գի կե­ցած մե­ծա­թիւ քա­ղա­քա­ցի­ներ իրենց հեր­թը կը սպա­սեն, նոյ­նիսկ հա­ցի սեւ շու­կայ ստեղծ­ուած է:

ՄԱՂԹԱՆՔ. «ԹՈՂ ԱՍՏՈՒԱԾ ԱՆՓՈՐՁԱՆՔ ՊԱՀԷ ՀԱՅ ԱԶԳԻ ԲՈԼՈՐ ԶԱՒԱԿՆԵՐԸ»

Հալէպ-Թուրքիա ճամբուն վրայ առեւանգուած եւ ապա ազատ արձակուած հայ պատանիներուն մեծ մայրը՝ Տիկ. Նազելի Պօյաճեան իր թոռնիկներուն ազատ արձակման առիթով «Գանձասար»ին կը յայտնէ.-

«Փառք Աստուծոյ եւ շնորհակալութիւն Հալէպի, Հայաստանի, Ֆրանսայի, Գերմանիոյ, Կիպրոսի, Պէյրութի, Միացեալ նահանգներու եւ այլ երկիրներու մեր բարեկամներուն եւ հարազատներուն, որոնք հետաքրքրուեցան ու մխիթարեցին մեզի, բաժնեցին մեր ցաւը, մտահոգութիւնն ու ապա թոռնիկներուս ազատ արձակման առիթով մեր գոհունակութիւնը: Շնորհակալութիւն Հալէպի Շտապ օգնութեան տղոց, Ազգ. Հայկազեան վարժարանի տնօրէնուհի Օր. Սիլվա Ճապաղջուրեանին: Յատուկ շնորհակալութիւն «Գանձասար»ի եւ «Երկիր Մետիայի» լրագրողներուն, որոնք միշտ կապի մէջ ըլլալով մեզի հետ, յարգեցին լրատուութեան սկզբունքներն ու ապահովական խորհրդապահութիւնը:
Թող Աստուած ողջ, առողջ ու անվտանգ պահէ մեր հայ ազգի բոլոր զաւակները աշխարհի չորս ծագերուն ու ոչ ոքի այսպիսի ցաւ ապրեցնէ: Խաղաղութիւն մաղթենք սուրիական մեր հայրենիքին ու ողջ աշխարհին»: